كيفكم يااحلى فتوكات
طبعا تفكيركم راح لبعيد وقلتوا اكيد الاكلة هتكون المحمر والمشمر
بس انا بقة مزاجى فقرى شوية
باموت فى البصارة و السردين بالتوم واللمون
عشان كدة بادلع روحى واعملها اما اكون صايمة
ندخل بقة على الطريقة عشان اخواتنا المبتدئات
نجيب الفول المدشوش ونغسله كويس جداااااااااااااااااااااااااااا
وننقعه شوية زى نص ساعة او ساعة
نجيب حلة متوسطة نصها مية ونحطها على النار ولما تغلى نسقط الفول مع بصلة متوسطة مقطعة اربع قطع
ومعلقة فلفل اسود
اسيبهم يغلوا لحد الفول مايستوى واقطع ربطة كسبرة واحطها تغلى غلوة من غير مااغطى الحلة عشان يفضل لونها اخضر
ولما تبرد اضربها فى الخلاط واحطها تانى ع النار ويكون قوامها معقول
واحضر التقلية
اربع فصوص توم و2 فلفل اخضر وافرمهم واحمرهم بشوية زيت وقبل الطشة على طول احط معلقة كسبرة ناشفة عشان ماتتحرقش
واطشها وشمى احلى ريحة
اغرفها فى اطباق واركنها
اجيب السردين وانضفه واغسله
وطماطماية مقطعة مع فلفل الوان
وزيت وكمون وملح وبهارات وشطة وتوم ولمون وكسبرة خضرة وناشفة
احط السردين ومعاه كل الحاجات دى واقلبهم كويس وافردهم
ونغليهم غلوة وعلى الفرن طوالى
وادى شكلها ولو ان طعمها احلى
وده فطارى المتواضع اللذيذ ومعاه بدنجان مشوى بالطحينة واللمون والكسبرة
ايه رايكم ياقمرات
اتفضلوا معانا وده عصير جوافة لاول فتوكة هتقيم
مواضيع هذا القسم برعاية
ام يوسف واحلى بنات ام يوسف واحلى بنات 429970_11.gif مشرفة الموقع Fatakat 429970 بيتنا الجميل – مصر