هتجيبي الزيتون الاخضر وتجيبي كمية ليمون حلوة وكمان تجيبي فلفل اخضر او احمر حراق حار يعني وتجيبي كرفس وطبعا ملح وخل وميه وقليل من الزيت تغسلي الزيتون كويس وبعدين تجيبي كل زاتونايه وتشقيها بالسكينه تلاته طبعا مش للاخر يعني تفضل الزاتونايه مقفوله على النوايه الي هي البذرة يعني وتجيبي كميه من الليمون العدد على حسب الرغبه بس كل مايزيد هيدي طعم احلى وتقطعي كل ليمونه اربعه وتغسلي الكرفس وتقطعيه وكمان الفلفل تغسليه وتقطعيه حلقات او تحطيه بزي ماهو بس متكتريش منه عشان الزيتون ميبقاش حراق قوي يعني حسب الرغبه وبعدين تخلطي الزيتون مع الليمون المقطع مع الكرفس المقطع مع الفلفل وبعدين تجيبي برطمان واسع كده وكبير وحلو ومكلبظ وتحطي فيه الخلطه الحلوة دي لغاية ما تملي البرطمان وبعدين تخلطي ملح حبة حلوين كده في حبة ميه حلوين برضه وتحطيهم على الزيتون في البرطمان لغاية نصف البرطمان والنصف التاني هنقسمه ربعين الربع الاول هتمليه عصير ليمون مركز مش مضاف ليه ميه يعني تعصري حبة ليمون حلوين كده طبعا من غير قشره والربع التاني تحطيه خل وقبل ماتقفلي البرطمان تحطي على الوش حبة زيت عشان يحافظ عليه واقفلي البرطمان كويس وقلبيه شويه عشان كله يندمج مع بعضه وسيبيه لمدة اسبوع خارج التلاجه وبعدين كليه وبالهنا والشفا وان شاء الله تدعيلي ومتدعيش عليا مواضيع هذا القسم برعاية
dodo sasa dodo sasa فتكات ست الكل Fatakat 154917 بيتي – مصر
سبحان الله و بحمده