لانشون اللحمه و انا مجرباها
كيلو لحمه
ا/2 كوب فول صويا مطحون
بهارات ملح وفلفل والبوكيه جارنيه اللي هو حبان قرفه وقرنفل كمون كبابه صينيوالبهارات اللي تحبي تحطيها وكله مطحون
معلقه كبيره جيلاتين بودره
ا/4 كوب ماء دافئ
زيتون شرائح او فلفل اسود حبات مش مطحونه
الطريقه
نضع اللحم مع الفول الصويا والبهارات في الكبه ونقوم بضربهم في الكبه حتي يمتزجوا ونلاقي اللحمه نعمت هي والمقادير نضع ملعقه الجيلاتين البودره مع ربع كوب ماء دافئ مش بارد عشان الجيلاتين يفك وبعد الجيلاتين ما يفك نقوم نصبه في الخلاط مع اللحمه ونضربهم ضربه مع بعض فايده الجيلاتين انه بيمسك اللحمه وكمان مفيد للعظم وبعد كده نجيب الخليط ركزوا معايا يا جماعه ونجيب كيس ثلاجه بلاستيك لونه ابيض ونفتحه ونفرده ونحط عليه الخليط ونبل ايدينا ميه ونفرد اللحمه بحيث كانك فرداها بنشابه ونساويها من الجناب بحيث تبقي زي المربع المتساوي الاضلاع ونحط علي مسافات حبات فلفل او شرائح زيتون اخضر او اسود او حتت صغيره لحمه سليمه وبعد كده نلفها بايدينا و هي علي الكيس البلاستيك زي ما بتلفي السويسرول ايدك بتلف وتزئي الكيس وما يدخلش جوه اللحمه وبعد كده تجيبي خيط او دباسه وتدبسي جنبين الكيس البلاستيك زي السويسرول والحمه جواه رول وبعد كده تجيبي فويل وتغلفي رول اللحمه تاني يبقي مره بالكيس البلاستيك المربوط من الجنبين ومره تانيه بالفويل وتحضري حله فيها ميه سخنه واول ما تغلي حطي فيه رول اللحمه المغلف وسبيه يستوي حوالي 1/3 ساعه بعد كده طلعيه وسبيه يبرد وفكي الفويل وهتلاقي طبقه البلاستيك المربوطه ماتشيلهاش افتخيها وخدي الكميه اللي انتي عايزاها اقطعي بالسكينه الكميه اللي انتي عايزاها وغلفيه في الكيس والله هتلاقيه ماسك زي اللانشون واجمل واامن عليكي وعلي عيلتك وولادك وبالهنا والشفا
لانشون الفراخ او التشيكي دودو نفس الطريقه بدل اللحمه هيبقي كيلو صدور بانيه ويا رب اكون افادتكم مواضيع هذا القسم برعاية
radwanour radwanour 1067479_1.gif فتكات رائعة Fatakat 1067479 القاهره – مصر