طريقه عمل القلقاس بالصوررررررر ولا اشهى ولا اطعم من كدة يمى يمى
المقادير
قلقاس حسب الرغبة انا بجيب حوالى كيلو نص
خضرة (كزبرة+سلق)
ثوم
بهارات(ملح وشطة حسب الرغبة و
مرقة شوربة
طماطم متسبكة بالبصل(بنجيببصلة ونحمرها ونطشها بالطماطم وتتسبك بس كدة)
الصوره الاولى الكزبره الخضراء..
بعد تقطيعها وغسلها كويس جدااااااا
السلق بعد تقطيعه واخد اوراقه والسلق نفس القصة
القلقاس .. واحده بقشرها وواحده متقشرة
الطريقة
نقطع القلقاس مكعبات متوسطة ونسيبها من بالليل لحد الصبح ف مية
ولو مش قدرتى يبقي كام ساعه كدة تسيبيها ف المية
ونجيب حلة ونحط فيها شوربة ونسيبها تغلي
ونكون مجهزين كام فص توم مدقوق ونحطه عالشوربة هى بتغلى
وننزل بالقلقاس فالشوربة
ونعصر عليها ليمونة كبيرة ونسيبها تاخد سواها بس خلى بالك لاحسن تتهري ونجيب الصلصة الى اتسبكت ونحطها عالشوربة ونقلب بتدى طعم روووووووعه
نجيب الخضرة السلق الى غسلناهم كويس ونخرطهم بالمخرطة زى الملوخية باالظبط لحد ما تبقي ناعمة
ونجيب طاسة ونحط فيها الاول الخضرة الى اتخرطتت كويس ونسيبها عالنار شوية فالطاسة لحد ما تشرب ميتها
ونحط عليها حتتة سمنة ونقلب لحد ما تغير لونها ونحط فصين ثوم مهروسين معاها وتبقي قريبة من الاسود (بس مش تتحرق يعنى)هههههههههه
ونحطها عالقلقاس ونقلب وبالهنا والشفا
ونعمل جنبها رز بشعرية وبسة وسلطة وفراخ او لحمة الى يعجبكم
وبالف هنا وشفا
ودة شكلها النهائي
يلا دعوة حلوة بقي منكم ربنا يشفينى ويخليلي ولادى يااااارب مواضيع هذا القسم برعاية
starqueen starqueen 528353_6.gif فتكات ست الكل Fatakat 528353 cairo – egypt