السلام عليكم ورحمة الله وبركاته.
ازيكم يا احلى فتوكات انا اول مرة اكتب موضوع في قسم المطبخ يا رب يعجبكم وتقيمولي . بس معلش ماعرفتش اصور لكم شكل الهامبورجر صل كاميرا بتاعتي مش حلوة
دي صورة منقولة تناسب الموضوع
https://files2.fatakat.com/2016/7/13414376281144.gif
ندخل بقى على المهم.
المقادير :
1 كيلوا لحمة مفروم
ربع فول صويا بتجبيه وتغسليه وتنقعيه شوية في المية عشان يبقى طري وينفع يتفرم ( ويستحسن تسألي الراجل اللي بتعملي عنده الكفتة على مقادر فول الصويا عشان مش تكتر منك وتخلي الهامبورجر تفك)
بصلة + جزرة + قرن فلفل حراء وقرن فلف رومي.
التوابل بتعتك بقى اللي بتحبي تحطيها ( ملح وفلفل وبهارات وحبهان )
تخدي كل المكونات دي وتروحي عن لراجل بتاع اللحمة عشان تفرميهم عنده وخليه يفرمهم 3 مرات عشان المكونات كلها تمتزج مع بعضها كويس.
اول لما تروحي تحطي اللحمة في الفريزر وتسيبيها لمدة ساعتين في الفرزير عشان تمسك في بعضها كويس.
بعد كدة تتطلعيها من الفريزر وتبدأي تشكليها على هيئة أقراص متساوية الحجم يعني تعمليها بكباية او بغطاء يكون كبير شوية او تكون عندك الفورمة اللي بتعملها.
تعملي قرص وتحطيه على ورق فويل او كيس بلاستيك وتعملي عليها واحد تانية وهكذا لحد ماتخلصي الكيلو. ترصيه في كيس وترجعي تحطيه في الفريزر تاني عشان يجمد لأننا لما بنجيب الهامبرجر من بره بنعمله وهو مجمد.
لما يجمد في الفريزر تتطلعيه وتكوني مجهزة الطاسة فيها معلقة زيت وتسويها زي ماانتي تحبي.
وممكن تحطيها في صينية وتحطيها في الفرن برده بتبقى اخف ومش شاربة زيت.
وطبعا بتقدميها مع البطاطس المحمرة والكاتشب وممكن تعملي جنبه ماكرونة .
وبالهنا والشفا .
جربوة وهاتدعولي والله عجب زوجي جدا وقاللي احلى من الجاهزة
لو عجبكم متنسوش التقييم ودعوة حلوة كدة عشان اتشجع واكتب تاني في قسم المطبخ مواضيع هذا القسم برعاية
ممه الأمورة ممه الأمورة 498032_2.gif فتكات رائعة Fatakat 498032 القاهرة – مصر
سبحان الله و بحمده
