من رأيي أن السمبوسة البيتي أفضل من الجاهزة بكتير فبتكوني عارفة المكونات وطبعاً خالية من مكسبات الطعم أو اللون او الرائحة
وكمان مش مجمدة فمش بتشرب زيت كتير
نيجي بقى للمكونات والطريقة
المكونات:
كوب دقيق+ كوب أحتياطي إذا أحتجنا 1 بيضة معلقة كبيرة زيت ربع كوب ماء دافيء للعجن معلقة صغيرة ممسوحة ملح نصف معلقة صغيرة خميرة فورية أو معلقة صغيرة بيكنج بودر ربع معلقة سكر في حالة استخدام الخميرة فقط الحشو: جبنة نستو بيبقى طعمها خطير او جبنة بيضاء أو لحمة مفرومة
الطريقة:
1- في وعاء نضع الدقيق والملح والبيكنج بودر أو الخميرة والسكر
2- نضيف البيضة والزيت ونقلب ثم نضيف الماء تدريجياً ونعجن وإذا أحتاجت العجينة دقيق نضيف برده تدريجياً حتى الحصول على عجينة طرية متماسكة…يعني مش شرط نحط الكوباية الثانية كلها على حسب نوع الدقيق
3- تقطع العجينة الى كرات وتوضع في وعاء مرشوش بالدقيق
4 – تترك لتتخمر حوالي ساعة أو ساعتين حسب رغبتك وهنلاحظ أن حجمها بيزيد
5- نرش شوية دقيق على ترابيزة او رخامة حتى لاتلتصق العجينة وناخد الكرة نفردها كويس
6- بسكينة نقطعها الى أربعة ونكون مجهزين الحشوة ونبدأ نحشيها ونقفلها بالطريقة اللي في الصور او إذا عندك طريقة بتحبي تعملي بيها مافيش مشاكل
نكون مجهزين صينية فإذا هنقلي السمبوسة نرشها بالدقيق وإذا هنشوي السمبوسة في الفرن ندهنها بزيت خفيف وندخلها الفرن وبتاخد حوالي من 20 الى 30 دقيقة على نار هادئة
أنا هنا كنت قلياها
تقلى على نار هادئة وبتاخد دقيقة لكل وجه ونطلعها على ورق القلي في أي طبق لأمتصاص الزيت الزائد
وبألف هنا ياقمرات
ملاحظات هامة:
1- إذا قررتي تشويها يبقى بتنفضيها من الدقيق كويس قبل ماتدخليها الفرن
2- حشوة اللحمة المفرومة بتتعمل بأنك تعملي اللحمة المفرومة مع البصلة والملح والفلفل عادي وتضيفي عليها كمان جزرة صغيرة مبشورة بتديها طعم روعة وبتدي للسمبوسة كمان طعم يجنن
وأخيراً لاتنسوا الردود والتقييم بالله عليكم بلاش تحسسوني اني بكلم نفسي في الموضوع
مواضيع هذا القسم برعاية
ff12 ff12 138657_6.gif فتكات ست الكل Fatakat 138657 القاهرة – مصر