بسم الله الرحمن الرحيم
السلام عليكم كيفيكم بنات
اللي تحب تعرف بعض من الاكلات العدنية هنا عندنا فعدن الاكلة دي من افضل الاكلات للمناسبات واعياد الميلاد والحفلات وتجمعات النساء
هو اصل الاكلة من الهند
طبعا الاكلة لها محتويتها وهي :-
1- كيلو بطاطس
2- فلفل حار (في اليمن اسمه بسباس اخضر ) عدد 7 الى 15 حسب ما تحبي
3-ملح
4-ملعقتين كاري
5-طماطم عدد واحدة
6- ثوم عدد 2
7- كزبرة خضراء حسب الرغبة
8- بصلة مفرومة
9- ثمر هندي منقوع لفترة تقريبا ساعة او يمكن لو انتي مستعجلة ونستي تنقعيه اغلي الثمر الهندي مع الماء طبعا الثمرهندي ضروري تسويه بالطبخة لانه اهم حاجة فيه وهو اللي يعطي الطعم الحلو للاكلة طبعا دا حسب الرغبة بس ما تنقعي كثير يعني ربع كيس او اكثر
( اسم الثمر الهندي باليمن حومر لهذا سميت الطبخة ببالبطاط حومر لازم تنطقي الكلمة صح حومر )
الطريقة :-
-تغلي البطاطس بماء لحد ما تستوي تمام انا طبعا اقشرها بعد الغلي بس يكمن تقشريها قبل انتي حرة
-بعدين تجيبي الخلاط وتحطي بداخله الفلفل الحار و شوية من منقوع الثمر هندي والطماطم والثوم والكزبرة شوية من البطاطس المغلية وتخلطيها مضبوط
-وبعدين تجيبي قدر وتحطي زيت ووالبصلة المفرومة وتطبخيها لحد لما يصفر البصل وبعد كذا ضيف الحاجت اللي خلطيها بالخلاط وتقلبي لحد لما تلاحظي الخليط بداء يغلي تضيفي باقي منقوع الثمر هندي وتصبي ملعقتين الكاري والملح وتخليه شوية وبعد كذا تضيفي البطاطس المقطعة قطع صغيرة وتحركي شوية وتطفي النار عليه
وبالهناء والشفاء
مواضيع هذا القسم برعاية
عدنية وافتخر عدنية وافتخر 487097_3.gif سوبر فتكات Fatakat 487097 عدن – اليمن