بسم الله الرحمن الرحيم
نبتدى على طول طريقة حفظ
الملوخيه
بنجبها ونغسلها كويس ونسبها تنشف من الميه شويه وبعد كده نحطها فى كياس بلستك ونفرزها على طول
ووقت منستعملها نطلعها مجمده ونخرطها بتبقى سهله وتتخرط اسهل
وممكن نخرطها ونعملها فى شوية شوربه ونلفها على النار وبعدين تدخل التجميدبس الطريقه الاولى افضل
2 الورق العنب
نجيب ورق العنب ونغسله ونشيل العود منه ونسلقه مع ليمون ونرصه ونحطه فى كياس ونجمده
او نجمده نى من غير سلق بس الطريقه الاولى احسن
البقدونس والكسبره والشبت
بنغسلهم كويس ونشفهم من الميه ونخرط ونحفظ وممنوع فكهم من التجميد بنحطهم من الفريزر على الاكل ويفضل الحاجات الى زى المحشى او الكفته
_ الفلفل الاحمر
بغسله وافرمه وحطه فى الاكياس واجمد وممكن يحفظ صحيح من غير فرم
_ الارنبيط والبروكلى
بغسل واسلق مع خل وكمون ويبرد شويه وعلى التجميد
_ الفروله
بغسلها كويس وشيل الورده الخضره منها وحط عليها مقدار بسيط سكر وكيس واجمد
_ المشمش
ده اكلم فيه شويه
بعمله بالطريقه الى هقولها واحفظه لرمضان بيبقى احلى من قمر الدين الف مره وكمان من غير ماده حافظه
بجيبه وشيل منه البزره واغسله واحطه فى حلهوعليه سكر يعنى الخمسه كيلو بحط عليهم كيلوسكر وعلى النار واسيبه لحد ميبتدى يدبل وينزل ميه بس ميدبش يبقى محتفظ بقوامه اطفى وسيبه يبرد واحط فى اكياس واجمد
_ البرتقال البلدى
باعصره واخد العصير وكيسه واجمده
وعلى فكره بيبقى تحفه وممكن تعمليه بالجزر وتحفظيه برده
_ لما افتكر حاجه كمان هدخل واقول
ولو سمحتو لو الموضوع عجبكم ياريت التقييم
ويارب اكون افدتكم
مواضيع هذا القسم برعاية
rotana209 rotana209 393743_14.gif برنسيسة فتكات Fatakat 393743 القاهره – مصر