طريقة حفظ الملوخية الخضرا فى الفريزر
00000000000000000000000000000
1 _ نجيب كمية الملوخية اللى عاوزين نخزنها
يعنى 2 او 3 كيلو ملوخية او اكتر تبع احتياجكم وميزانيتكم
ونقرطفها عاادى خالص
2_ وبعدين نغسلها عادى ونجففها بإننا نلفها فى قماشة قطنية
او نسيبها فى المصفاة تصفى المية
3_ بعد ما تجف من المية نخرطها عادى برضو
4_ الخطوة دى هى اللى فيها الجديد بقا ركزوا فيها اوى
هيكون يوم عندك حوالى لتر شوربة كدا يعنى
تدقى كام فص توم وعليهم شوية كزبرة ناشفة
تحطى الشوربة تغلى على النار
وبعدين تضيفى عليها التوم المدقوق او المفري
اول ما تغلى الشوربة بالتوم
انزلى عليها بالملوخية المخروطة بتاعتك
وقلبيها علشان الكلاكيع
هتلاحظى ان كمية الملوخية كتيييييرة اوى ومحتاجة شوربة تانى اكتر
اياكى تحطيلها نقطة شوربة تانى … هى لااااااااازم تكون سميكة اوى كدا
وقوامها غليييييييييييظ جداً
يادوب تمتزج الملوخية بالشوربة وتقلب قلبة واحدة
5_اطفى النار عليها وسبيها تبرد خااااااااااااااالص
واوعى تغطى الحلة
علشان لو غطيتى الحلة الملوخية لونها هيبقا اسود
وهتفقد لونها الأخضر الزاهى الجميل
6_ خلاص الملوخية بردت … يلا بقا عبيها فى اكياس
يبقا كفاية تحطى ف كل كيس مغرفتين او مغرفتين ونص من الملوخية دى
فى الكيس
وطيرااااااااان على الفريزر لحسن تحمض لا قدر الله
وفى اليوم اللى هتطبخيها فيه
طلعى الكيس من الفريزر وسيبيه من 5 ل 10 دقايق
اغلى الشوربة
وانزلى عليها بالملوخية
يادوب تقلب قلبة على النار
ونزليها من على النار
من غير ما تغطيها برضو علشان ماتسودش
وجهزى الطشة
دقى التوم مع شوية كزبرة ناشفة صغيرين وممكن قرن فلفل حامى صغيرحسب الرغبة
ومعلقة زبدة صغيرة ومعلقة زيت فى حلة وعليهم التوم وحمريهم على النار لحد ما يبقا التوم لونه دهبى
وطشى التوم ومتنسيش تسمى تقولى بسم الله .
مواضيع هذا القسم برعاية
مووووووووونى مووووووووونى فتكات هايلة Fatakat 905098 الجيزة – مصر