السلام عليكم ورحمة الله وبركاته
عاملين ايه يا فتاتيك يارب تكونوا كلكوا بخير
المهم النهردة جايبالكم اكلة بجد بجد جميلة جدا انا عن نفسى بموت فيها اولا لان ماما الله يرحمها كانت بتعملهلنا وثانيا لانى من عشاق الفول الاخضر بعمل كل وصفاته ودايما بيكون عندى فى الفريزر
المهم النهردة هوريكوا طريقة السبانخ بالفول وقبل ما ابدء اعرفكم ان الفول والسبانخ والخضرة بتاعت السبانخ كله متفرز عشان هتلاحظوا من شكلهم ماشى نبدا بسم الله
الطريقة
نجيب بصل متقطع نحمره فى زيت ولما يبدا يصفر نحط توم مفروم عشان يتحمر معاه
هنحط الفول وعليه فلفل اسود وكسبرة ناشفة عشان نشوحهم مع البصل
وبعد كذا تقليبة هتحطى الصلصة وتظبطى الملح
اول ماتغلى تحطى السبانخ والخضرة بتاعتها وتسيبيها تستوى وتتسبك
هتبقى بالشكل ده
بجد اذا جربتوها هتعجبكم جدااا
مواضيع هذا القسم برعاية
malak ru7y malak ru7y 665957_1.gif فتكات نشيطة Fatakat 665957 españa – españa