السلام عليكم ورحمه الله وبركاته
النهارده عملت طاجن باميه وطلع روووووووووووعه والحمد لله
انا عارفه انه اكله معروفه بس قولت يمكن فى حد ميعرفوش
ندخل فى الموضوع على طول عشان مطولش عليكوا
المقادير : نص كيلو باميه – وبصله كبيره مبشوره – ومعلقه توم كبيره – وفلفل حامى حسب الرغبه
ولحمه – وطماطم معصوره اقل من نص كيلو شويه – وكوبايه ونص شوربه او حسب الحاجه يعنى مش بعايرها قوووى
ومعلقه صلصه طماطم
دى اول صوره بشرت البصله وقطعت الفلفل فى زبده مع زيت
وعلى فكره البصل هنا لسه محطوط يعنى مفيش حاجه محروقه
بس للاسف الصاج بيبقى شكله كده بعد شويه على النار بيحروق من على الجناب بس مش بياثر على الطعم
ولما تدبل شويه البصله بنحط التوم وبعده على طول اللحمه المسلوقه نص سلقه
وبعد كده الطماطم المعصوره ومعلقه كبيره صلصه ده لو الطماطم لونها مش عاجبك وانا عموما بحب الصلصه معلقه كده
ونحط بقى التوابل فلفل اسود > وبودره بصل وبودره توم هما مش اساسى لو مش عندك خلاص <.
ونص معلقه سكر والملح بحطه فى الاخر
وبعد لما تتسبك تحطى شوربه ولازم تكون سخنه عشان اللحمه متشدش
حوالى كوبايه ونص شوربه
وسبيها لما تغلى كويس وحطى الباميه
سببيها تغلى غلوتين على البوتجاز وغطى عليها شويه ووطى النار 5 دقايق بس
وبعد كده حطيها فى طاجن فخار او اى طاجن عندك وحوطيها فى الفرن تكون متسخنه قبل كده
< وفى معلومه صغيره بلاش تشترى الفخار الى شكله حلو ده الى بيلمع لانهم قالوا انه بيبقى فى مشاكل
وسموم وحجات كده فى طواجن بتبقى معموله فى الصعيد مش عارفه بيبقوا عاملين فيها ايه بالظبط انا جبت ده بالعافيه
هو شكله عار اه بس صحى وخلاص>
وده الشكل النهائى يارب يعجبكم
بجد بيبقى طعمه احلى من الطبيخ العادى للباميه
يارب يعجبكم ومستنيه الرد والتقييييييييم لو عجبكم الموضوع
ودعوه حلوه كده بصلاح الحال
مواضيع هذا القسم برعاية
ام رودى العسل ام رودى العسل 258244_26.gif ملكة فتكات Fatakat 258244 مدينه الحب – مصر ام الدنيا