ازيكم يا قمرات المطبخ
انا عملت لكم صينية بطاطس مبشورة بالجبنة والزيتون بس اية تحفة
الصينية دي عبقرية بتنفعني لما بكون مليش مزاج اقف اطبخ 
بتتجهز في 10 دقايق بس بتقعد في الفرن شوية
هوريكم الطريقة خطوة خطوة كالعادة
وازاي انا عملتها في صينية واحد من غير ما استهلك اطباق كتير
عشان انتم عارفين المواعين وتعبها هههههه
مقاديرها لعمل صينية صغيرة لفردين
* حبة واحدة بطاطس كبيرة
* جزرتين
* 1/4 جبنة شيدر او رومي اختياري
* 1/8 زيتون اسود حلقات
* فلفلتين رومي او حار اختياري
*بيضة
*1/2 كوب لبن
*رشة ملح
*رشة فلفل اسود
الطريقة
نبشر البطاطس وهي نية بالمبشرة
وبعدبن نقطع الفلفل حلقات
وبعدبن نبشر الجزر
وبعدين نضيف الجبنة الشيدر او الرومي مبشورة
وبعدبن نضيف شرايح الزيتون
وبعدين نقلب الخليط
وبعدها نرب نصف كوب اللبن مع البيضة بالشكل دة
ونصبة علي الخليط المبشور ونقلبة جيدا
بالشكل دة
ودة الشكل النهائي للصينية قبل دخولها الفرن
بتقعد في الفرن تقريبا 45 دقيقة بس قبل ما تطلع لازم نختبرها انها استوت كويس
بتبقي بالشكل دة
ودة طبق منها
بس ملحقتش ازوقة ههه
ودة طبق لاول عضوة ترد علي الموضوع
يارب تعجبكم
جربوها مش هتندمووووووووووووووا ابدا
ولا تنسوني في صالح دعائكم مواضيع هذا القسم برعاية
pinky_sugar pinky_sugar 123041_1.gif فتكات نشيطة Fatakat 123041 القاهرة – مصر