السلام عليكم يا فتوكات
النهارده جيبالكوا اكله لذيذه اوى وشيك للعزومات و كمان للدايت لانها خاليه من الهون
المقادير حسب عدد الافراد
بطاطس صغيره نقشرها ونقورها ونغسلها ونسبها خمس دقايق تصفى ميتها
و كمان عايزين خرشوف حسب العدد برضه
3 طماطم معصوره ومتصفيه+2 م ك صلصه طماطم+ملح +فلفل+مكعب مرقه (يرفعوا على النار حتى يتمازجوا مش لازم يتسبكوا)
1 بصله صغيره مفرومه مع فص توم وشويه ملح وفلفل
لحمه معصجه حسب الكميه اللى هتتحشى
ندعك البطاطس المتقوره والخرشوف ولب البطاطس بالبصله والتوم والملح والفلفل
نرصهم فى صنيه كده
نبدا نحشيهم باللحمه المفرومه
دا شكلهم بعد الحشو
نسقى الصنيه بالصلصه جيدا مع مراعاه وحود كميه كافيه من الصلصه فى قعر الصنيه
يجب مراعاه الملح والفلفل لاننا نضيفه على البطاطس والصلصه ده غير مكعب المرقه
نغطيها بالفويل وندخلها فرن سخن نختب سوا البطاطس بعد شويه
عند قرب السوا نرفع الفويل ونترك الصنيه علشان تكمل سوا والوش يحمر
تقدم مع مكرونه او ارز ابيض وطبعا السلطه الخضرا
الاكله سهله اوى وخفيف ممكن نبيكر فيها يعنى
ممكن نحط على اللحمه المفرومه طماطم وفلفل احضر صغير
ممكن نرش جبنه مبشوره على الوش
ممكن نزود حته زبده لتسبيكه الصلصه لو مش عايزنها دايت
ممكن نعملها ونشيلها نص سوا فى الفريزر لوقت لاحق
تقوير البطاطس ممكن نقليه لوحده وناكله مع اى حاجه تانيه او نحطه فى قعر الصنيه وصدقونى بيبقى اطعم من الصنيه نفسها مع الرز
الشكل النهائى بعد السوا الحمد لله
كمان عملت يومها صلصه طماطم وشيلتها فى الفرزر
غسلت الطماطم -قطعتها مكعبات فى حله مع شويه ميه على النار لحد ما اتهرت
سبتها تبرد
ضربتها فى الخلاط و صفتها
رجعتها الحله على النار لحد ما اتبخرت شويه من ميتها واتسبكت مع اضافه سن ملح وسن فلفل اسود وشويه زيت صغيرن
سبتها تبرد وعبتها فى اكياس وعلى الفريزر
و ده شكلها
بالهنا والشفا
برجاء الدعاء بالستر والصحه لى ولاحبابى فى الدنيا
ورضا ربنا علينا وعليكو انشاء الله
ادعو لابويا بالرحمه
فى حفظ الله مواضيع هذا القسم برعاية
coffee coffee فتكات رائعة Fatakat 136791 مدينتي – مملكتي