السلام عليكم ورحمة الله وبركاته
ازيكم يا احلى صحبه يارب تكونوا بألف صحه
عارفين يا بنات انا النهاردة عملت ايه على الغدا وكلنا وشبعنا اووووى حتى اولادى قالولى بلاش يا ماما تطبخى تانى واعملى الاكل ده على طوووووووووول
انا عملت بذنجان مقلى بطريقة سهله ولذيذه بتخليه مقرمش من برة وطرى وجميل من جوة لا والميزة بقى انه مش بيشرب زيت خاااااااالص
بصى يا سيتى منك ليها تجيبى البذنجان وتقشريه وتقطعيه بعدين تغسليه وتسبيه شويه ينزل المايه اللى فيه بعدين تملحيه بقى بأيه
(ثوم مفروم-فلفل مفروم-ملح وكمون وليمون)
زى الصورة كده
وتسبيه فى المصفاه شويه كمان
بعدين تجيبى الدقيق وتتبليه
وبكده يكون كله تمام تسبيه كمان حوالى نصف ساعه بعدين تقليه فى زيت غزير وطلعيه على ورق مطبخ وكلى وادعيلى
انا قدمته مع بطاطس محمرة ومقرمشه علشان بنقعها فى خل وكمان معاها طبق سلطة الطحينه الرهيب
لو عجبتكم الاكله البسيطه دى اتفضلوا قيمولى
ولو مش عجبتكم معلشى حقكم عليه
اترككم فى رعاية الله وامنه
مواضيع هذا القسم برعاية
منافسه&حب منافسه&حب 911770_2.gif فتكات رائعة Fatakat 911770 cairo – ام الدنيا
سبحان الله و بحمده