مساء الخير و السعادة عليكم
أنا عملت طاجن خضار النهاردة بس طلع جميل جداا
و صحي جداااااااااااااا و لذيذ جداا………….
المهم انتي تجيبي كل الخضار اللي عندك منهم البروكلي دة لذيذ جدا و صحي أوي
انا حطيت كوسة ,جزر,فصوليا,بطاطس, بصل, طماطم, البروكلي
كلة ني في ني
يتقطع كلة قطع متوسطة حتى البصل و الطماطم
و تحطي في طاجن أو بيركس أو حتى صنية عادية و علية واحدة ماجي و ملح و فلفل و فصين توم مدقوقين و شوية جوزة الطيب مطحون قلبي في بعضة بأيدك و هاتي معلقة صلصة دوبيها في شوية مية أو في كوباية شوربة و حطيها عليهم و حطي شوية زيت ذرة على الوش عايزة تحطي سمنة ممكن بس احنا بنقول حاجة خفيفة و صحية
حطيهم على النار من فوق 10 دقايق و بعدين كملي في الفرن
و دي الصور
.
.
.
.
دة لما قطعت الخضار و حطيتو في البيركس
و عليه التوابل كلها
.
.
و دة لمل حطيت عليه الصلصة مدوبة في مية
وهنا حطيتها على البوتجاز من فوق لمدة 10 دقايق
.
و عليه الشوربة طبعا
.
.
.
.
.
و بألف هنا و شفا و صحة
يا رب يكون عجبكم
دعواتكم بالستر و الصحة
و ما فيش مانع من التقييم بردو
***************************************
مواضيع هذا القسم برعاية
أم الجوج أم الجوج images/lettersavatars/G_c.gif فتكات هايلة Fatakat 456121 القاهرة – مصر أم الدنيا