السلام عليكم
اهلا بيكم فى الحلقة التانية فى قسم المطبخ
انهردة الشطارة نزلت عليا او بمعنى اصح الموبايل اتصلح (اية العك دة)
اصلى مكنتش عارفة ارفع الصور
كنت عاملة فى تانى اسبوع من رمضان عشان كان عيد ميلادى (شوفتوا عيد ميلادى وانا الى بطبخ)
شيش طاووك وشاتوة على كافية (الحقة الجاية الشاتوة )
طلعة تحححححححفة جدا ومعايا بقى بالصور والشرح الممل
المقادير :
1- صدور فراخ مخلية او اخلى انتى
2-بصلة كبيرة +اربع فصوص توم
3- 3 م ك مستردة
4-توابل (1/2 م ص ملح ابيض +كسبرة +قرفة +سماق +كمون +خل+فلفل اسود )
5-شرايح ليمون
6- خلات وفحم لو حبتية يطلع زى المشوى على الفحم
8-طمطماية متوسطة
الطريقة :
1- نغسل الفراخ بمية ودقيق بعد مانشيل الجلد والعظم ونقطعة قطع متوسطة والافضل صغيرة بس مش اوى كدا 2- نحط التوابل واللمون والبصل والتوم بعد مانفرمهم والمستردة والطمطامية المضروبة
3- نحطهم فى حلة استيل ونسبهم فى التلاجة من 2 الى 5 ساعات ودى صورتهم بعد ماخلطنا المكونات
ونحط الخلات فى ماية لانها عن تجربة سمعتها هنا فى المدونة وجربتها مش بتخلى الاكل يلزق ولا تتحرق وهى بتستوى
بعد ماا تبلت فى التلاجة نطلعها ونرصها فى الخلات مع الطماطم والفلف وفى ناس بتحط بصل
ونحطهم فى الطاسة من خير حاجة هما هينزلوا مايتهم لحد ما يستوا
وبعدين نولع الفحم لو حبيتى ريحة ومذاق المشوى ونحطة الفحمة فى قصدير وفى الصنية ازازمع الفراخ وعلى الفرن والشاوية تشتغل واديلوا ادى كدا 5 دقايق وهتبقى حاجة مية مية
بالهنا والشفتشى عملت معاة سلطة طحينة ودى الصورة النهائية
على فكرة انا عندى 14 سنة وشهر يعنى مش عجوزة اوى علمت موضوع قبل كدة عن رز بلبن انا كنت عملاة برضو ولاقيت تشجيع قلت اجرب تانى وجربت الشيش والشاتوة طلعوا روعة زى ماشفتوا
بجد بجد لو سمحتوا ردكوا بيفرق معايا ارجوكوا ردوا عليا لانى لسة عاملة موضوع دلوقتى ولا رد واحد بس
متكسفونيش يا حبايبى لو سمحتوا
يارب اكون افدتكوا
وشكرا مواضيع هذا القسم برعاية
شهد الشطورة شهد الشطورة 696933_3.gif سوبر فتكات Fatakat 696933 مدينتى حبيبتى – مصر