بسم الله الرحمن الرحيمطبعا كلنا عارفين فوايد الكرنب فى التخسيس عامله ازاى بس مش فى المحشى……… لا فى الشوربه
اوعدك انك تفضلى تاكليها طول عمرك حتى بعد ما تخسى ان شاء الله علشان تحافظى على وزنك ومتخااااااافيش طعمها حلو جدا جدا وسهله اوى خلاص هقول اهو
المقدير: حوالى نص كرنباية متوسطة او واحدة صغير+2فلفل رومى كبير بارد+1فلفل طويل حامى ولازم تكون حامية شويه دول دلوقتى عمله كبسولات شطه للتخسيس+1طماطم+1مرقه+معلقتين صلصله+بصل اخضر وهو موجود كتير اوى دلوقتى يعنى ممكن مثلا بصلتين خضر باعيدان بتاعتهم +ورقتين لورا+2كوسة+1جزربس كده
الطريقة بقى هتحطى حوالى لتر مياه فى حله ولما تغلى تحطى المرقه وتقطعى كول الحاجات اللى فوق وتحطيها عليها وتسيبيها تستوى على النار حوالى نص ساعة وبعدين تحطى الصلصه وتديها غلوة كمان وخلاص كدة والف هنا وشفا
بجد يا جماعة بتخسس جدا غير انها بتشبع اوى انا باكل طبق قبل الغداء وبتغدى بعدها بساعتين يعنى لو مش بتحبى تشربى مياه قبل الغداء وانتى جعانة اوى
ممكن تاخدى طبق متوسط وبس كدة
اه نسيت اقولك متملحيهاش اوى عشان المرقة فيها ملح والليمون اللى هتحطيه كمان لما تاكلى هيديها طعم حلوى اوى حطى شوية فلفل اسمر وخلاص
يالا قولولى بقى على النتيجة بعد ما تجربوها والف هنا شفا
احضان الحبايب احضان الحبايب 287192_1.gif فتكات هايلة Fatakat 287192 حبيبتى اسكندرية – مصرية