ازيكم يا احلى فتوكات فى الدنيا
انتوا شايفين الجو ساقعه ازاى و احلى حاجه فى البرد علشان ندفا هى شوربة العدس علشان كده انا النهارده هنزلكم طريقتى فى عمل شوربة العدس و يا رب تعجبكم
يلا بينا ندخل على المقادير و الطريقه.
ربع كيلو عدس اصفر
1 بصله
1 طماطم كبيره
ا فلفله كبير او 2 وسط
2 جزر وسط
1 معلقة توم كبيره
التوابل (ملح-كمون-كسبره ناشفه-كارى-كوركم-بهارات ربع معلقه-توم بودر-بابريكا-فلفل اسمر ربع معلقه-قرفه ربع معلقه و ممكن الاستغناء عنها)
هنضيف كل المكونات و هى كالاتى:
ربع العدس الاصفر
الطماطم-الفلفل الاخضر-الجزر-البصل التوم-الملح و بس و نتركها تستوى على النار و دى الصوره و هى فى الحله:
نيجى بقا بعد ما العدس يستوى و هنضعه فى الخلاط و نضيف عليها التوابل و هى (كمون-كسبره ناشفه-كارى-كوركم-بهارات ربع معلقه-توم بودر-باريكا-قرفه ربع معلقه و يكن الاستغناء عنها) تمام كده
ثم نضرب العدس فى الخلاط ضربا مبرحا لحد ما يقول حقى برقبتى
نيجيب بعد كده الحله و نحط فيها حته زبده و نكون مخرطين بصله صغيره ناعم و نحمرها فى الزبده مع شوية شعريه لحد ما يصفروا و نضيف شوربة العدس و نتركها تستوى طبعا احنا هنخلى قومها معقول و لا هى تقيله و لا هى خفيفه ماشى و ادى صورتها و هى بتستوى مع الشعريه يا رب تعجبكم
انا عملت جنب الشوربه طبق كشرى اصفر و احلى طبق سلطه و حمرت عيش فى الزيت يا سلام يا سلام و اتغدينا و شبعنا و اليكم صور باقى الاكل
و ادى الكشرى الاصفر
و ادى طبق السلطه المعتبر
و اخير طبق شوربة العدس يا جمالو يا جمالو لاحلى فتوكه هترد عليا و تقيم زى الشطره
عايزاكم تبصوا فوق شويه هتلاقوا مكان لتقيم الموضوع اطلعى زى الشاطره و تدوسى على التقيم لأما هاعمل فيها ايه هديها بوسه لانها نورتنى فى موضوعى و شرفتنى [/center]
مواضيع هذا القسم برعاية
mayamoon mayamoon 328680_28.gif فتكات رائعة Fatakat 328680 القاهره – مصر