انا عاوزاكم تباركولى وتدعولى ان ان شاء الله ربنا يتمملى حملى على خير يارب
امبارح روحت انا وجوزى عشان اعمل اختبار حمل والحمد لله طلع إيجابى مش قادرة اوصفلكم انا كنت قلقانة اد ايه وانا راحة والله كأنى مستنية نتيجة الثانوية العامة
دخلت المعمل وبنقول للدكتور عاوزين نعمل اختبار حمل قال اتفضلى فسألته هو النتيجة بتطلع بعد وقت اد ايه؟؟؟؟؟؟؟؟؟؟؟؟؟؟؟؟؟؟؟؟
لقيته بيقولى ساعة انا قلتله نعم ليييييييييييييييييييييييييييييييييييييييه؟ قالى يعنى انا بدى لنفسى وقت عشان عندى ضغط بس هى ان شاء الله تطلع قبل كده قلتله ماشى وجه الدكتور التانى عشان ياخد عينة الدم وع اللى عملته اصل انا بخاف من الأبر وكده وهو يقولى اهدى عشان عندك العرق رفيع جدااااااااا المهم استحملت لغاية ما خد العينة وبعدها خرجنا وقعدت بره وانا مش سامعة ولا شايفة حد قدامى وبعدين لقينا العشا قربت تدن قلت لجوزى نروح نصلى على ما النتيجة تظهر استنينا اول ما الأذان اذن وروحنا قايمين عشان نخرج نصلى فى الجامع وانا بقى بدور على باب مصلى السيدات وجوزى واقف ونلاقى الدكتور خارج ورانا يقولوا النتيجة بانت الف مبرووووك انا بقى ولا كأنى سامعة حاجة ولقيت جوزى بيباركلى قلتله لا انا عاوزاك تروح تتأكد من الدكتور ورجعنا للدكتور بتاع التحاليل تانى وهنانا وقلنا مبروك النتيجة ايجابية الحمد لله
بجد الحمد لله يارب الحمد لله شعور جميل جدا يارب كل الناس تحس بيه يارب ويفرح كل الناس ان شاء الله وخرجنا روحنا بقى صلينا العشا وصلينا ركعتين شكر لله .
انا عاوزة كل اللى تدخل موضوعى تدعيلى ان ربنا يكملى على خير عشان الملايكة ترد عليها وتقولها ولكى بالمثل ان شاء الله
وبجد والله انا اكتشفت ان الإستغفار ده حاجة حلوة قوى قوى قوى قوى قوى ولله الحمد.
khokhetko khokhetko 378863_2.gif فتكات رائعة Fatakat 378863 جسر السويس – مصر
سبحان الله و بحمده