بسم الله الرحمن الرحيم
فتوكاتي الحلوين
انا بقالي سبع سنين عاملة شعري وبشرتي حقل تجارب
بموت في الماسكات والكريمات والتجارب
عاملة مختبر مصغر في بيتي
وجربت حاجات كتير عشان شعري يطول
واخيرا لقيت السر
هو حمام الزيت
حمام الزيت ده طلع شيء رائع بجد
وعلشان حمام الزيت يجيب نتيجة معاكي
اوﻻ
ﻻزم الشعر يكون نضيف
يعني ايه
يعني تغسلي شعرك بالشامبو كويس جدا قبل ما تعملي حمام الزيت
ودي التكة المهمه اللي مش كتير يعرفها
ان ﻻزم مسام فروة الراس تكون مفتوحة
وطبعا لو الشعر في عرق او متسخ عمرة ما هيستقبل الزيت
طيب ازاي اعمل حمام الزيت
في طريقتين
الطريقة اﻻولى بتاخد وقت طويل شوية
وهي انك تسخني الزيت في حمام مائي
يعني ايه
يعني تجيبي وعاء وتمليه مية سخنة
مش ﻻزم تكون مغلية
انا بشغل السخان وباخد من الحنفية السخنة
وتحطي فيها زجاجة الزيت بتاعك بس تكون مقفولة كويس جدا علشان الزيت مش يقع في المية
وتستني عشر دقايق ولو المية سقعت غيريها
خدي بقى الزيت ودلكي بيه فروة راسك كويس جدا وشعرك
وغطيه بالبونيه بتاع الشاور واربطي عليه ايشارب يفضل يكون صوف او قماش تقيل عشان فروة راسك تسخن
تسيبيه ساعة اتنين براحتك بس مش اكتر من 3 ساعات
وبعدها اغسلي شعرك كويس بالبلسم فقط
ومتخافيش البلسم بينزل بقايا الزيت وبيخليه غير دهني بس انتي اغسلي كويس
طيب الطريقة التانية السريعة
وانا سميتها حمام زيت العشر دقايق او حمام زيت in shower
ودة بيتعمل اثناء اﻻستحمام بعد الغسيل بالشامبو
بتسخني الزيت بنفس الطريقة وتدهني بيه شعرك وتلبسي البونيه
وتخلي راسك تحت المية السخنه لمدة 10 دقايق
وعقبال ما تغسلي جسمك هتكون العشر دقايق عدت فكي البونيه واغسلي بالبلسم ومفيش اسهل من كده
حمام الزيت يا قمرات بيتعمل مرة واحده فقط في اﻻسبوع ﻻنه بيتعمل بعد الغسيل بشامبو
والغسيل بشامبو ما ينفع اكتر من مرة باﻻسبوع
طب ايه هي انواع الزيوت اللي ممكن نستخدمها حمام زيت
1-زيت الزيتون البكر النقي
بتاع اﻻكل اه بتاع اﻻكل ده اكتر زيت تضمنى انه نقي
2-زيت دابر امﻻ
بس اتأكدي انه الهندي اﻻصلي هتﻻقي الكتابة اللي عليه بالهندي زي ده
اما بالنسبة للزيوت التانية زي زيت فاتيكا وبراشوت والحاجات دي
انا جربتهم قبل كده وبصراحة بحس انهم مش زيوت نقية ومبقتنعش بيهم
لو حابة تجربي زيوت العطار افضل حاجة زيت الخروع وزيت جنين القمح وزيت السمسم
الموضوع غير منقول دي خﻻصة تجارب ومجهود شخصي
واسمح بنقله مع ذكر المصدر مدونة فتكات
واسم صاحبة الموضوع د/نور
احبكم في الله
د/نور د/نور 517416_1.gif فتكات رائعة Fatakat 517416 السعودية – السعودية