اليوم يا بنوتات هعمل شاورما الهامبورجر بالمشروم اختراعى الجديد للدايت
طعمة روووووووووووووعة جدا
انا بعملوا جمب سلطة خضراء ورغيف توست
صورة تجويعية
بصلة صغيرة مقطعة شرايح
3 قطع هامبورجر مقطع شرايح (يفضل يقطع وهو مجمد شوية عشات ميتهريش منك وانتى بتقطعية )
فلفل رومى مقطع شرايح
مشروم طازة مقطع شرايح
1 معلقة زيت ذرة او زيت كانولا
رشة ملح
معلقة خل صغيرة
فلفل اسود
بهارات لحمة او بهارات الشاورما او بهار مشكل (براحتك حسب ما تحبى )
………………………………………….. ……………………….
………………………………………..
نجيب الطاسة ونحط فيها البصل وارش علية رشة ملح هتلاقية بداء ينزل ميتوا ويسوى نفسوا فيها شوية صغيرين مش كتير ودة بدل لما احط زيت
وبعدين ننزل عليها بالمشروم المقطع ومعلقة الزيت ونقلب ونشوحة شوية
وبعدين نحط الهامبورجر الشرايح بس اوعى تقلبى لحسن تكسرية ويتهرى منك
وطى النار علية تماما
وغطى الطاسة باى غطاء حلة عندك وسيبية لحد لما يشد الهامبورجر ويمسك نفسوا وبعدين قلبية بالراحة جدا وضيفى بهاراتك ومعلقة الخل
وبعدين سيبية دقيقتين على نار هادية لحد لما البرجر يستوى تماما واخر حاجة ضيفى الفلفل وقلبى وغطى الطاسة واقفلى النار وسيبية مقفول 4 دقائق عشان الفلفل ياخد من الريحة والطعم
وبعدين يقدم بالف هنا يارب
وبالف هنا يارب
متنسونيش بدعوة بصلاح الحال
ويشفى امى يارب ويبارك فى والداى
وفى زوجى واولادى يارب
مواضيع هذا القسم برعاية
ام مريومة ومعاذ ام مريومة ومعاذ 401394_27.gif فتكات ست الكل Fatakat 401394 مصرية اسمعلاوية مقيمة بالسعودية – السعودية