.. اخبار حبيباتي ايه .. ؟ يآرب تكونوا كلكم بخير
المرة اللي فاتت بفضل الله اخدنا 3 معوقات ممكن تقابلنا لو حبينا نخطط لحياتنا ونحط اهدافنا
هانكمل ما بدأناه ان شاءالله وهاناخد المعوق رقم
4 – عدم الإيمان بأهمية الأهداف
كتيرمن الناس غير معترف بوضع الاهداف
والتخطيط للي عاوز يعمله ..
شايف ان ده اساسا تضييع ووقت
وتلاقيه يتحجج لك بحجج كتير جدا
ونماذج مثلا من الناس نجحوا بدون اى تخطيط
ولكن مايعرفش ان دول جات معاهم كده بالحظ
قد ينجح الانسان بدون تخطيط
ولكن هاياخد وقت اطول .. طاقة اكبر .. هاتقابله مشاكل وصعوبات اكتر
غير مايكون محدد بالظبط هو عاوز ايه وهايعمل ايه ..
نشوف مثآل .
واحدة صحت من النوم وقالت هاطبخ مكرونة مثلا
واستنت لغاية اما جه معاد الطبيخ وفاضل نص ساعة وزوجها وولادها يوصلوا
وقامت رايحة مالقتش صلصة مثلا .. وماعندعاش طماطم !!
دي بقى هاتدور على حد عنده طماطم .. او حد يشتري لها
فالاخر ممكن تطبخ المكرونة ولكن بوقت اكثر .. بعقوبات اكتر
دي اكيد غير اللي هاتعرف من بالليل هاعمل ايه
المكونات كلها محدداها ومتاكدة من وجودها
هاتشتغل بمنتهى السلاسة
يآرب تكون الفكرة وصلت .. عشان نقدر نرد على نفسنا فالنقطة دي ..
او نرد على غيرنا ..
==============
5 – عـــــــــــــدم المعرفة
.. بعضنا عنده اهداف واحلام .. ولكن ماعندوش اى معلومات
تؤهلهم لتحقيق اللي بيتمنوه
تلاقي واحدة حلمها مثلا تكون ام مثالية ،
ولا تلاقيها مرة بتقرا فكتاب عن تربية الطفل ..
او بتحضر محاضرات فالمجال ده ..
وهكــذا ،،
ولو سألتيها تقول
" مانا مش عارفة ازاى أبدأ ،، او أبدأ منين . "
فلو ماتعلمناش ازاى يكون لينا خطة ،، واضحة لتحقيق اهدافنا
ونحط ووقت معين للتنفيذ
فسنظل اسرى لتلك الاحلام
مقولة اعجبتني
" قد يمنعك الآخرين عن فعل شىء لبعض الوقت
لكن أنت الذى تمنعها كل الوقت "
طبعا مافيش بعد كده .. !
تاني عالسريع نقول معوقات اهدافنا اللي لازم ولابد نتخلص منها
1 – الخوف ،،
2- النظرة المهزوزة
3- التاجيل والتسويف
4- عدم الايمان بالاهداف
5 – عدم معرفة البداية
======
هانتكلم بقى عن
أهمـــــــية الاهداف ..
،،1- التحكم فى الذات ..
.. طبعا كلنا لما اتكلمنا اعترفنا ان الحاجة اللي بابقى مخطط لها بابقى متحكمة فيها أكتر
وهكذا لو خططنا لحياتنا .. حطينا اهداف تشمل جميع جوانبها
هانكون متحكمين فنفسنا ..
هايكون عندنا قووة ناتجة من التخطيط هاتساعدنا فاننا نتغلب على العقبات اللي ممكن تقابلنا كمان ..
هايكون فيه حماس للمزييييييد ..
هاتخلينا نستمتع بتغلبنا على صعوبات الحيآآة
وعجبتني مقوولة فالموضوع ده بتقول ايه
" ما أجمل الحياة حينما
تنجز ما اتفق الناس على كونه مستحيل "
.. 2 – الثقــــــة بالنفس
.. آه فعلا ثقتك بنفسك هاتزييييد وتتضاعف لما تحطي اهداف
وهاتزيد أكتر وأكتر لما تلاقي نفسك بتتحكمي فحياتك وبتحققي اهدافك
وهاتدفعك الثقة دي للأمام مع مزيد من التقدم والرقي ..
هاتقويكِ جدا .. الانسان الواثق من نفسه ماحدش يقدر يقف قدامه
ولا حد يقدر يوقفه .. زى القطر لما بيمشي ..
بمجرد ما بدأتي معانا .. مسكتي الورقة والقلم بتتكلمي وتكتبي
ده لوحده رفع من ثقتك بنفسك اكيييييييييييد بدرجة كبيرة
وانتو هاتأكدوا لنا ده ان شاء الله
خطوة خطوة هاتلاقي الثقة ارتفعت اكتر واكتر باذن الله ..
المرة الجاية باذن رب العالمين نكمل اهمية الاهداف ,,
ندخل فالجزء التطبيقي ،،
– احكي لي من حيآتك مواقف تؤؤكد لنا ان "عدم معرفة من أين ابدأ" معوق من معوقات الاهداف .. ؟
– إلى أى حد أثرت معاكِ التلات محاضرات اللي اخدناهم ؟؟
فحياتك .. مع نفسك .. مع اللي حواليكِ ..
– المايك معاكو دلوقتي وجه وووقت الفضفضة ..
نشكركم لحسن استماعكم يا أجمل بنآت ..
مع خالص حبي
Muslima Wife Muslima Wife 84811_20.gif فتكات غالية قوي Fatakat 84811 فقط مع من أحبوني ! – مملكتي الخاصة