صباح الفل علي احلي فتوكات في الدنيا
انهارده بقي هقولكم علي احلي سندوتشات دجاج تجنن خاصة للسيدات العاملات مابتأخدش ربع ساعة واحلي وجبة لذيذة والاطفال كمان هيحبوها موووووووووووووووت
المقادير
– 12 ك فراخ بانيه ( يفضل انه يكون متبل قبلها بفترة )
– بصلة متوسطة
– 4 حبات فلفل رومي
– 4 فصوص توم
– قطعة مرقة دجاج
– ملعقة كبيرة مايونيز
– ملعقة صغيرة ماستاردة
– ملح + بهارات كالآتي ( كركم لون – فلفل اسود – بودرة بصل-بودرة توم – حبهان مطحون – بهارات فراخ – ورق لوري مطحون – شطة حسب الرغبة )
– 2 ليمونة متوسطة
ملحوظة :-
كركم الالوان فايدته انه بيخلي الدجاج لونه اصفر زي الجاهز اللي في المطاعم فزوجك واولادك يشعرون باختلاف وكأنك طالبة اوردر ديليفري بالظبط
الطريقة :- :sFun_bananshula :
1- يقطع كلا من البصل والتوم والفلفل الرومي ويشوحو في ملعقة كبيرة سمن علي النار حتي الاصفرار (وشمي احلي ريحة )
2- يقطع الدجاج مكعبات صغيرة ويوضع علي البصل والتوم والفلفل ويشوح مرة اخرة معهم الي ان يتغير لون الدجاج
3- اعصري الليمون علي الخليط وقلبي كويس
4- بعد كده حطي كل البهارات والملح والمايونيز والماستاردة ومرقة الدجاج وقلبي كويس جدا وغطي الاناء واتركيه علي النارمع قليل جدا من الماء الي تمام النضج
5- خلال فترة تسوية الدجاج قومي بتجهيز الخبز وطبعا كل ما كان الفينو نوع كويس كل ما كان احلي , افتحي الخبز بالسكين وادهنيه بقليل من المايونيز وممكن تحطي فوقيه كابوتشا مبشورة وبعد كده تحطي عليه الدجاج ويقدم مع كول سلو او سلطة خضراء وبطاطس محمرة ومشروب ساقع وبألف هنا
طبعا طريقة التقديم بتفرق يعني لو رصيتي الاكل كده هيبقي تحفة
– يرص في طبق مسطح البطاطس توضع في جانب الطبق بزاوية ومن الجهة المقابلة توضع شرائح خيار وجزر وعودين خس وفي النص الساندوتشات وكل ساندوتش ملفوف حتي المنتصف بمناديل او ملفوف كله في ورق فويل وبالف الف هنا
– لاتنسوني في الدعاء انا وابني وزوجي واهلي مواضيع هذا القسم برعاية
sofy2016 sofy2016 images/avatars/peppers.jpg فتكات جديدة Fatakat 632967 الجيزة – egypt