السلااااااااااااااام عليكم
وحشتوني
بقالي فترة مكتبتش موضوع هنا
و النهاردة جايبة حاجتين
موضوعين
اكلتيييييييييييييين
نبدا باسم الله
الطبق الاول
سمك محشي بالطريقة المغربية
المقادير
سمكة كبيرة مش عرفة اسمها بوري اعتقد
طبعا متنظفة و متشال منها الذيل و الاشواك الي من فوق و عالجوانب بالمقص علشان تدي شكل اجمل و انظف
بقدونس و كزبرة
ثوم يجي 6 او 7
2 ملاعق بابريكا او فلفل احمر بودرة
ملح
1ملعقة او اتنين كمون
مكعب ماجي للسمك لو مفيش مش مشكلة و لو في يبقى نقلل الملح
1 ملعقة عصير ليمون
زيت
2 حبات طماطم
حبة ليمون
بطاطس مقطعة دواير
فلفل اخضر
زيتون
كباية مية
نبدا اولا نفرش في الطبق الي حندخلو الفرن نفرشو بطاطس حلقات و فلفل و زتون
بعد ماغسلنا السمكة نشققها في كرشها خط طويل في كل جانب علشان التتبيلة تدخل جوة كويس
نجيب بقى البقدونس و الكزبرة و نفرمهم ناعم
نضيف عليهم التوم بعد ما اتفرم نضيف ملعقة العصير المكعب..الملح ..الشطة و الكمون
تضيفي الزيت و تخلطي كويس و تبداي تحشي السمكة و تخلصي كل الخليط من برة و جوة و في الشقين الي احنا عملناهم
و بعد كدا تفرشي السمكة فوق البطاطس و تزيني بحلقات الطماطم
بس اوعي تنسي تضيفي كباية المية
و بس تدخليها الفرن يجي 25 دقيقة
و ادي الصورة
طبق سهل و طعمو بجد يجنن على مسؤوليتي
و ادي الحلو كمان و حبقى انزل حالا الطريقة
يلا متنسوش الردود و التقييم يا قمرات
مواضيع هذا القسم برعاية
om aya&ayman om aya&ayman 199380_1.gif فتكات متميزة Fatakat 199380 paris – france