حبيبتنا الفتوكات
السلام عليكم و رحمه الله و بركاته
جيبالكم انهاردة صينية السمك الماكريل من عند سوشن
يارب تنال اعجابكوا
ندخل بقى ف الجد
على فكرة سمك الماكريل من انواع السمك المنسيه مع انه طعمه حلو و قيمته الغذائية عالية اوى
المكونات :
– كيلو سمك ماكريل ( على فكرة مش غالى )
– ثوم و طماطم و فلفل و بصل
– بقدونس و كزبره و كرفس
– لمون و خل
– بهارات – فلفل – كزبره ناشفه – كمون – شطه خفيف
– زيت
نروح بقى على الطريقة :
– نهرس الثوم مع الفلفل و الخضره
– نقطع الطماطم و البصل و الفلفل و نحط عليهم حبة ثوم و نعصر عليهم اللمون و نحط الخل و عليهم كل البهارات
– نجيب السمك و نغسله كويس و نفتحه
– بعدين نحط على السمك تدبيله الثوم
– نجيب صينية و نحط زيت و الطماطم و المقطعة و البصل و الفلفل فيها يعنى نعملها فرشه للسمك زى كده
– بعدين نرص السمك فوق الحاجات دى
– نحط من الخضار المتقطع فوق السمك مع شرايح الطماطم و اللمون و بعدين نحط عليهم زيت و ندخلها الفرن على درجة حرارة عالية
– دا بقى شكلها لما طلعت من الفرن ( واااااو جنان ) 
و بالهنا و الشفا صحيح ممكن تاكلوها بالعيش و ممكن تاكلوها مع رز زى ما تحبوا …. ولادى بيحبوها بالعيش
طعمها تووووحفة
ابقوا جربوها و ماتنسوش التقييم بقى يا احلى فتوكات مواضيع هذا القسم برعاية
سوشن سوشن 1113570_1.gif فتكات نشيطة Fatakat 1113570 القليوبية – مصر