سلطة المشاوى والاسماك اللذيذه من ام براء
السلطة دى تناسب قوى الاسماك والمشويات
لان الصوص بتاعها بيغنيكى عن سلطة الطحينة
وياريت تجربوها فعلا هتدعوا لى
لانها لذيذه قووووووووى وراقيه جدا
وممكن تتقدم مع طبق قطع الدجاج المشويه
الرابط :
https://fatakat.univanet.com/#3722614
المـــقــــاديــــر
خيار – طماطم – فلفل اخضر وفلفل الوان
خس
ذرة صفره – حمص مسلوق – خضره – جزر
وحسب الخضروات المتوفرة عندكم
الصـــوص
معلقة كبيرة طحيننه – معلقه كبيره زبادى – معلقة مايونيز
معلقة زييت زيتون – فص ثوم صغير مفروم
ملخ – فلفل- كمون – سماق
عصير نص ليمون
الطــــريقــــة
بنقطع كل الخضروات بالحجم الى نحبه ونخلطهم مع بعض
وبنخلى بشر جزر وشويه بقدونس للتزين
بنخلط مقادير الصوص فى طبق عميق
ثم نضيف عصير الليمون والزيت
وبنضيف له الخضروات ونخلطهم جيدا
وننقدمهم فى طبق التقديم والسلطة كده جاهزة
بس انا حبيت ازينها واقدمها بشكل احلى
ونزيهم بالبقدونس والجزر المبشور وبالهنا والشفا يارب
ملحوظة
بالنسبه للحمص كلكم هتستغربوه طبعا
بس صدقونى عن تجربه ولو واثقين فى وصفاتى بيعطى للسطلة طعم لذييذ قوى
وانا بدخله فى انواع سلطة كتير
سطلة المقالى وسلطة شرايح الدجاج وسلطة الحضروات
وسلطة البقوليات
وان شاء الله بنزلكم الطريقة
وكنت عامله السلطة دى مع سمك مقلى بتتبيلتى اللذيذه وهنزلكم الطريقة ان شاء الله
واحلى رز يتقدم مع السمك وهنزل بردو الطريقة
بس لما اشوفكم هتعملوا معايه ايه فى السلطة
ههههههه
بحبكم فى الله قوووووووووووى
واخيرا لا تنسونى من صالح دعائكم
مواضيع هذا القسم برعاية
ام بـــراء وفريـــدة حبايبـــى ام بـــراء وفريـــدة حبايبـــى 234357_7.gif فتكات ست الكل Fatakat 234357 فى مملكتى الى بحبها – المملكة العربية السعودية