السلام عليكم ورحمه الله وبركاته
اولا انا سجلت فى المدونة قريب
ثانيا انا عندى مشكله مش بقدر انام منها وعلى طول بفكر فيها وبكتبها ليكم انهارده عشان مش عارفه احكى لحد وانا حسيت هنا انكم اخواتى وهتساعدونى
اانا كان عندى تقريبا 11 سنه وكنت بشوف اخواتى بتجيهم البريود وكدآ وانا بغبائى كنت عاوزه البريود تجيلى اشمعنى انا فمره كنت فى التواليت وبعدين وسوس لى الشيطان وادخلت صابعى فى مكان فى المنطقه اللى انتو عارفنها والله العظيم انا عملت كدآ عشان كنت صغيره ومش فاهمه حاجه بس المنطقه دى هى اخر مكان تحت خالص وجمبها فتحه الشرج يارب تفهمو قصدى لانى انا اصلا مش عارفه مكان المهبل ولا شكله ارجوكم ساعدونى وبعد مادخلت حته من صابعى ماحسيتش بألم وطلعته على طول ولقيت على طرف صابعى نقطه دم لاتذكر بالمره وماحسيتش باى الم وبعدها بحوالى مده جاتنى البريود بالم فظيع فى بطنى بس دلوقتى لما كبرت وفهمت ان فى غشاء بكاره وبيتفض اسفه ع اللفظ وشوفت مواضيع كتير عن ان ممكن ادخال اى اصبع ممكن يهتك الغشاء فـ خوفت اكتر وبقيت عايشه فى وسواس ومش عارفه اعمل ايه والله العظيم تعبانه جدآ وماينفعش اروح لدكتوره وللأسف بسمع ان امهات كتير بتفهم بناتهم بس امى مش بتحكيلى ولا بتوعينى انا بترجاكم تساعدونى
mero fouda mero fouda 1149692_1.gif فتكات حبوبة Fatakat 1149692 المنصوره – مصر
سبحان الله و بحمده