صباح الخير عليكوا
بصوا انا ليا عضويه قديمه هنا وانا فتكات متميزة بيها بس حبيت اكتبلكوا بعضويه جديده بأه
مش هاطول عليكوا باختصار كده انا خدت كام صدمه في حياتى وتعبت ومشكلتى انى كتومة
فباخد على جوه لحد ما اعصابى تعبت وبدأ يبان على جسمي ونزلت من 61ل 52 كيلو وكتافى بقت نازله ووشي خاسس وتعبان وسواد تحت عيني ومش باعرف اتكلم مع حد من اهلى لان محدش بيفهمنى
ومن كام يوم تعبت واتعلقلي محاليل من كتر الضعف واخدت حقن والدكتور قال جسمها ضعيف جدا ومبتاكلش كمان هاعلقلها محاليل بديل الاكل وادانى ادويه فيتامينات ومنشطات للذاكره
وحاجات كتير اوى
بادعى كتير لربنا يفك كربى وهمى ويزيح عنى وباتعب وبابكى بحرقة من الدعاء ، ومن الصلاه ساعات ::
كل الىل طلباه ببساطه دكتور او دكتوره نفسيه تكون شاطره ومتفهمه واعرف اتكلم واقول اللى عندى من غير خوف ولاقلق خالص
انا جوايا كتير اوى ودي تراكمات كنت باشوفها من صغري وانا طفله لحد ما بقيت عندى 21 سنه اهو وتعبانه بجد عشان كده بقولكوا انها خدمه العمر لانها هتحل مشاكل عمرى
وحاسه انى مش أد أى مسئوليه مع ان شخصيتى حلوة وانا بحبها وعشريه
كل حد ييجي يتقدملى اوافق وقبل الموضوع ما يتم اخاف واقول لا مش عايزة وخايفه من المسئوليه ولا متعقده ، دي مواضيع كبيره اوى
يارييييييييييت بجد حد يدلنى على دكتورة نفسيه او دكتور ويوصلنى بيه بأى طريق عنوان ، رقم تليفون
ربنا ما يحطكوا في اللى انا فيه يارب واشوف الناس كلها مبسوطه في حياتها وباهلها وولادها
استودعكم المولى
الله خير حافظ
bela esm bela esm فتكات متميزة Fatakat 595728 القاهرة – مصر
سبحان الله و بحمده