ارجوا لو فى دكتورة هنا فى المدونة تساعدنى وتنصحنى اعمل ايه؟
انا كان عندى تكيس مبايض والحمد لله اتعلجت منه وحملت بتؤم وجانى طلق مبكر فى اخر الشهر السادس والحمد لله ولدت طبيعى ومات التؤم -(بدون عملية ربط)-
بعدها كل ما احمل اجهض فى الشهر التانى ولما كشفت تبين ان عنق الرحم واسع جدا وبعدين الدكتورة طلبت منى انى لما احمل انام ع ظهرى 3شهور لغاية ما تربطلى وبرضة نزل دم واخدت المثبت البرونتوجيست ونمت لغاية ماربطت ودلوقتى معايا بنوتة وولدتها قيصرى بسبب ان السائل الامينوسى كان كتير حول الجنين , ودلوقتى بعد 4سنين من ولادة بنتى شلت الولب وقررت احمل تانى والحمد لله حملت رغم انى كنت خايفة اوى ان التكيسات تأثر تانى على الحمل بس الحمد لله حصل ,وطبعا انا عارفة نفسى ان حملى صعب اوى فبمجرد ماعرفت انى حامل رحت لماما عشان انام عندها التلات شهور دول ونمت واخدت المثبت ونزل دم كالعادة على شهر واسبوع من الحملواخدت لبوس برنتوجست تلات مرات فى اليوم +المثيت وحمض الفوليك وبرضة حسيت بتقلصات ودم بينزل يوميا رغم انى متحركتش خالص من السرير والجنين نزل على شهر ونص كدة وخايفة احمل تانى حاسة ان فى مشكلة مشعارفة ايه هيا..ومعلش طولت عليكم ……
السؤال:-
هل الاجهاض دة بسبب اتساع عنق الرحم بس؟
ام بسبب التكيس يعنى مثلا ارتفاع LH و خصوصا انى كنت حاسة بتقلصات فى المبيض تشبة نزول الدورة؟
هل يوجد علاج يقلل ارتفاع LH ؟
ايه الحل ؟هل فى حل لعنق الرحم قبل الحمل ؟
بالله عليكم ساعدونى وجزاكم الله خير ورزقكم بالذرية الصالحة الطيبة
وادعولى بظهر الغيب ان احمل بسهولة ويتمم لى حملى على خير…
غادة رجب 1 غادة رجب 1 فتكات نشيطة Fatakat 589334 شبرا الخيمة – مصر