السلام عليكم ورحمة الله وبركاته
اول حاجة الحمد لله على كل حال و ان شاء الله الله يكرم كل امرأة بحمل سليم معافى
تاني حاجة انا ربة منزل سورية بقالي متجوزة تقريبا 3 سنين ولسا ربنا ما اكرمنيش بالحمل مع العلم اني عملت حقن مجهري هنا بمصر مرة
وسؤالي انا بطلب من كل فتوكة مصرية محرومة من الأمومة اني تدعيلي ولو بامكان اي وحدة تفيدني وتجاوبني على اسئلتي من بعد اذنكم بكون ليها من الشاكرين
وانا ححكي قصتي بالتفصيل
لما جيت مصر كان لسا بقالي سنة متزوجة والحمد لله ما فيش حاجة
ورحت الدكتور فارس وطلب مني اشعة صبغة وطلع كل حاجة تمام بالأشعة
وراقب الاباضة وكل حاجة كانت برضه تمام ودورتي منتظمة
نصحني بالزرع بس انا ما كنتش عاوزة استعجل رحت دكتور تاني
طلب مني تحاليل هرمونات التحاليل ماكانتش مظبوطة قوي ومشكلتي كانت بالAMH هو اقل من 1
فلما رجعت للدكتور فارس قللي انا مابيهمنيش الهرمونات علشان انا حديلك الهرمونات دي قبل الحقن بس لازمن نستعجل بالحقن علشان الهرمون AMH بيمثل مخزون البيوض وهو قليل عندي وانا ما عنديش مشاكل ولا حتى جوزي والعقم عندي مجهول السبب والحل الوحيد هو الحقن
عملت الحقن وربنا مااردش الحمل ليا
دلوقتي بقالي اربع شهور عاملة حقن مجهري وعاوزة اعمل تاني بس مشكلتي اني هو بيتكلف كتير وعاوزة اعرف لو الدكتور فارس هو حد كويس انا شايفاه كده بس ياتر حد يعرف حاجه وينصحني اكمل معاه ولا لأ
fifo honey fifo honey فتكات جديدة Fatakat 1214150 القاهرة – مصر
سبحان الله و بحمده