السلام عليكم ورحمة الله وبركاته
اللهم صل وسلم وبارك على محمد عليه افضل الصلاة والسلام
صلوا عليه ماتبقوش بخله بقه
انا بقة قبل ما اتزوج كنت ادمان شيبسى جبنة وكباب وشطة كله كله
لحد ما كتبت كتابى وزوجى وهو بيتعشى معايا
كان على العشاء طبق شيبسى محترم بالجبنة المتبلة ياجماله
واتفاجىء ياأوختى انتى وهى قال ايه عريس الحيلة مش بياكل الشيبسى
ولا ايه حاجه من بره قلت فى عقل بالى اوبة يابوسى شكلك وقعتى على بوزك
طب مين اللى وهو راجع من الشغل هايجيبلى كيس مليان شيبسى وكارتية والذى منه
اصل ابويا ربنا يخليه ليايارب كان على طول يجيبلى كيس مشكل كده
شيبسى وحاجات اخر دلع حتى اثناء المذاكرة الاقيه داخل عليا بكيس
اسيب المذاكره واهيص
المهم زوجى العزيز قالى لما تدخل شقتى انسى كل العك ده
المهم دخلت عش الزوجية واتحايل على زوجى نفسى فى كيس شيبسى
يامادى كان الرد نو نو نو انسى ياماما
ويقولى انا مش عارف انتو بتاكلوا الحاجات دى ازاى كلها بتجيب امراض ومواد حافظه
دا غير القرف اللى ممكن يكون فى المكن زى اعزكم الله الفئران بتبات بالليل فى المكن غير الصراصير
وفضل يقرفنى ياعم سيبنى احلم بكيس شيبسى مش عايزه افوق
ما انا بقالى كام سنه باكله ما فكرتش فى البلاوى دى ياحاج
المهم لما فقدت الامل فى الراجل ده قلت اجتهد بقه واخترع
المهم دخلت المطبخ وشمرت وعملت الاتى
بجد الشيبسى ده رائع وطعمه زى اللى بره حاولوا تجربوه
انتى هاتقطعى البطاطس فى ماكينة الشيبسى
وبعدين اغسليها بماء عادى وما تحطيش ملح
واقليها فى زيت غزير وتخليكى جمبها ما تقلبيش
الا لما تبدا تاخد اللون الذهبى علشان مش تتكسر منك
ولما تتحمر طلعيها على ورق مطبخ ورشى عليها وهى سخنة
الخلطة دى وهى عبارة عن ملح مع توم وبصل بودرة
وزعتر وقرفة وزنجبيل بس اعملى الخلطة دى بره الاول اخلطيها حلو
وهاتحطى من كل حاجة فيهم ذرة بسيطة
والله زوجى لما اكل منه قالى الله اهو ده الشيبسى ولا بلاش
احنا لازم نقفل مصانع الشيبسى كلها وتشتغلى انتى
البهارات دى انابستخدمها للشيبسى وللسمك البورى المشوى بيكون رووووووووووووعه وبالهنا والشفا اتفضلوا معانا بقه
ودى بعد ما رشيت البهارات عليها
اوعوا تنسوا التقييييييييم ياحلوين مواضيع هذا القسم برعاية
هنا مودى هنا مودى 702585_1.gif فتكات هايلة Fatakat 702585 المنصوره – القاهره