السلام عليكم يا فتوكات ده اول موضوع ليا فى القسم ده وحبيت انزلكم الرز المعمر بتاعى وتقولولى ايه رايكم
بس متزهقوش منى انا اول حاجه بعملها بغسل الرز وانقعه حوالى ساعه
وبعدين بغسل السمان كويس بملح وليمون وخل
وبعدين بشوح السمان بمعلقه سمنه ورشه ملح وفلفل
وده بعد ما اتحمر شويه
وبعدين بجيب الطاجن اللى هعمل فيه واحط طبقه رز على فكره انا بحط معلقه زبده على الرز وافركه بيها
بتدى طعم ولون حلو اوى للرز وبعدين بحط السمان
وبعدين بحط باقى الرز وبعدين اللبن انا بحط الملح على اللبن الاول وادوبه فيه علشان كان بيتركز معايا
فى حته واحده وبحط لكل كوبايه رز منقوع كوبايه لبن وبعدين احط على الوش معلقه مش كبيره سمنه
ولوفى قشطه معلقه برده
وبعدين اكون مسخنه الفرن واحطه واول ما الرز بتشرب اللبن بوطى عليه واسيبه براحته شويه
وده بعد الغرف
يارب يعجبكم مواضيع هذا القسم برعاية
smsma 7abebty smsma 7abebty 691705_2.gif فتكات نشيطة Fatakat 691705 جده – المملكه العربيه السعوديه