انا جيييييت ازيكوا
كنا وصلنا لحد حمص الشام
ثالثاً : لا انصحك بالشوربه والسلطه فقط حاولي تخففي جداً من الشوربه لان فيها كميه دسم جامده جداً خصوصاً شوربه الفراخ والدليل شوفي شكل الشوربه لما تحطيها في التلاجه هيكون عليها طبقه دهون ( حدث ولا حرج ) واستغني عنها بشوربه الخضار المعملوله بزيت الذره او الزيتون بس ماتكتريش الزيت وحطي كبشه واحد شوربه والباقي مياه وشويه توابل خفيفه علشان يبقي طعمها حلو
اما بالنسبه للسلطه فبلاش تضيفي عليها زيت علشان تلمع وضيفي عليها عصير الليمون او قطرات من الخل ( علي فكره انا مش بحب الطمام خالص بس بعمل السلطه من غير طمام يعني فيها كل المكونات جزر مبشور وجرجير وبقدونس وخيار وبحط عليها معلقه مسترده بتبقي تحفه ) علي فكره المسترده مش بتخن اللي بيتخن جامد المايونيز
رابعاً بالنسبه للمشروبات : بلاش عصاير وبيبسي ( رغم اني مدمنه بيبسي وقهوه ونسكافيه يعني كل الحاجات اللي بتخن علشان كده لما خسيت زدت شويه تاني لاني مقدرتش ابعد عنهم مش بالزمه تخلف هههه) المهم اشربي مياه علي قد ما تقدري بس قبل الاكل بنص ساعه او بعد الاكل بساعه واشربي كبايه شاي اخضر بعد الاكل و قرفه بالجنزبيل بتتباع في السوبر ماركت في باكت دي قبل الاكل هتكون مفيده جداً خصوصاً في الشتاء
انا كده خلصت مش فاضل غير انواع ادويه تساعد علي حرق الدهون وانا جربت منها الكويس ومنها الوحش لو عايزيين تعرفوها كلموني وانا هرد عليكو في جزء تاني من نفس الموضوع
بس لو الموضوع عجبكم ارجوكم تقيموني
وشكراً لطول صبركم معايا
انا في انتظار اي استفسار بس ماتتأخروش علشان مسافره بكره ومفيش عندي نت في البيت انا بكلمكم من عند ماما سلام
والسلام عليكم ورحمه الله
زينه3 زينه3 412677_1.gif سوبر فتكات Fatakat 412677 القاهره – مصر