السلام عليكم ورحمة الله وبركاتة
انا ام ل3 اطفال ومتجوزة من 11 سنة اول طفل ليا جبتو بعد زواجى ب2 سنة وكنا فى شدة الفرح بية لانو جة بعد سقطت مرتين فكنا فى قمة السعادة والحمد للة ربنا يخلهولى يا رب بعد مولدت طفلى الاول وكان كويس وطبعى خالص وانا مكنتش شايفة فية اى شى غريب فى عينو عادى بس اختى كانت بتقولى الواد دة عينو غمقة شوية قلتلها لا ابدا عادى المهم مع الايام حسيت فعلا ان عين الولد غمقة شوية قلت اودية للدكتور رحت بية الدكتور قلى لا بسيطة عندو رمد طبيعى وهيخف بسرعة المهم قلت الحمد للة ومرت الايام وبرضو محستش بتحسن قلت اودية تانى لدكتور رحت قلى لازم يتفحص تحت مخدر انا اتخضيت لانو عندو سنة ونص وياخد بنج كلى وكنت خايفة جدا رحت للدكتور المستشفى الى قالى عليها وهو شغال فيها الحسين الجامعىورحب بينا الدكتور واخد الولد ودخلو غرفة العمليات وعملو الفحص المهم خرج واخدنا انا وولدو المكتب وقالنا الولد عندو جلوكوما قلتلو اية يعنى دى قلى مياة زرقا او بمعن تانى ضغط عينو عالى انا انفجرت من العياط لما عرفت كمان ان ابنى لازم يعمل عملية فى عينية الاتنين وبسرعة لان ضغط عينو عالى كان سعتها 24 والتانية 22 الدنيا اسودت فى عينى المهم اتحجزت انا وابنى فى المستشفى وعمل العملية وبعدها باسبوع عمل العين التانية وبدات رحلتى مع الجلوكوما وكل اسبوع اروح اقيس الضغط وكارت متابعة وكدة المهم قال بعد شهرين من العملية انو لازم يعمل عملية تانية وهى تسليك للعملية الاولى فى العينين
وعمل ابنى العملية والحمد للة انا لحد دلوقت فى متابعة تاقلمت على الوضع والحمد للههو حالتو مستقرة وكويس وعادى المهم ولدت طفلى التانى والحمد لله مكنش فية شى وبعدو جبت بنتى الصغيرة وكنا كلنا فرحنين بيها لانها بنت على 2 صبيان وانا فى المستشفى بقلهم هاتو البنت اشفها وكانت لسة مفتحتش المهم ادهانى وانا بحاول افتحلها عنيها لقيت حاجة غريبة اوى لقيت عنيها لونها ازرق ومفيش ننى انا اتخضيت وقعدت اصرخ واعيط انا انهرت ساعتها مكنتش شفت عنيها كلها الحمد للة
الحمد للة هدونى وكنت ساعتها ولدة فى مستشفى خاصة اخدو منى البنت على طول وكشفو عليها قلولى هىعندها مياة زرقاء بس وكانت اسود ليلة فى المستشفى حتى طلوع الصباح عشان بنتى يخدوها يودوها المستشفى العام المتخصص فى العيون مش فاكرة اسمها اية جة والدها واخدها هو واختى لانى كنت والدة قيصرى وودو البنت كشفو عليها قلولو عندها مياة زرقا ولازم تعمل عملية فى اسرع وقت عشانالدرجة عالية جدااا ادتها قطرة عشان تخف الضغط المهم بعد مخرججت من المستشفى اخد بنتى لدكتور كبير فى المهندسين وكان عمرها 22 يوم وقلى لازم تعمل عملية حالا لان درجة عنيها 40 او 45 ودى درجة خطيرة طبعا والعملية فى العين الواحدة ب5000 جنية يعنى 10000 جنية الاتنين المهم خرجنا وكلمنا الدكتور انو يعملها فى مكان ارخص شوية المهم قلنا تعالو بكرة فى المكان الفلانى عشان نعملها ب4000 جنية فى العين الواحدة ملحوظة احنا كان ممكن نعملها فى مستشفى عام بس انا ظروفى مكنتش تسمح انى انتظر كام يوم او كام اسبوع عشان عنيها ضغطها عالى جدااااا يعنى خطر الانتظار المهم رحنا تانى يوم وعملت العملية لبنتى فى العين الى ضغطها اعلى وبعد اسبوع عملت التانية وكل اسبوعين بنروح نعمل فحص بعد العملية المهم عدى كام شهر وبنتى 5شهور والدكتور قال لازم عملية توسيع او تسليك و ى عشان اعادة للعملية السابقة كانت العين ب 3 ونص وعملناهم والحمد للة ومرت الايام فى فحوصات كل شهر وساعات كل 3 شهور حسب ميقول الدكتور تمت بنتى السنة ورحت اخر مرة للدكتور من شهرين بالظبطت نسيت اقولكو ان بنتى فى الفترة من العميلة الاولى والتانية عينها بقت كويسة وعادية بس حسيت ان فى سحابة بسيطة على عينيها قولت للدكتور قلى دى من القرنية وكل شوية لقيت ان السحابة دة بتزيد لحد مملت كل قرنية عنيها وعنيها اتحولت للون اللبنى الفاتح رحت للدكتور قلى الصدمة الكبييرة الى عمرى مكنت اتوقعها ان بنتى عايزة ترقيع قرنية انا فكرت زى العمليا الى فاتت انا قلتو نعملها يا دكتور قى انتى بتكلمى كدة كانها بسيطة دى عملية خطيرة واحتمال النجاح او الفشل قلتلو يعنى اية قلى هنجيب قرنية واحد ميت من بنك العيون تتناسب مع انسجة البنت ونعملها عملية زرع انا اتذهلت واتصدمت ومبقتش قادرة اقف على رجلى تماسكت وقلتلو الحكاية دى هتحصل امتى قلى البنت دلوقت صغيرة 4 5 شهور وهتيها تانى نعمل عليها كونسلتو ونقرر هى ضغطها دلوقت كويس الدكتور دة كبير عندو اجهزة حديثة بيقيس الضغط بمجرد ميلبس الجهاز ويبص فى عين المريض انا مستنية بنتى تتم الخمس شهور بنتى عندها دلوقت سنة و3 شهور وارحلو تانى وبرضو بتابع معاه حالة ابنى الكبير وهى مستقرة والحمد للة غير البنت خالص والحمد للة وربنا يشفيهملى ويخلهوملى يا رب ويحفظلى ابوهم يا ريت تدعولى بالشفاء العاجل لهم باذن للة ومعلش انا طولت عليكم والله انا كمان مقلتش حجات كتير عشا موجعش دمغكم اكتر من كدة فى امان الله
ام كنزى ومروان واحمد ام كنزى ومروان واحمد فتكات هايلة Fatakat 29708 القاهرة – مصر