بسم الله الرحمن الرحيم
أولا دا لينك الاسبوع الاول
https://fatakat.univanet.com/#3769143
انهارده روحت للدكتورة ووزنت لقتني خاسه 3 كيلو الحمد لله
مع العلم انى معملتش رياضه ولا مشيت لانى كان عندي ظروف
انهارده ان شاء الله هنزلكو النظام بتاع تاني اسبوع
102 ك
النظام سهل جدااا
بسم الله
الفطار
نص رغيف + شريحه جبن رومي
او
نص رغيف + بيضه مسلوقه
أو
نص رغيف + فول بدون زيت
+ ثمره فاكهه
الغداء
سلطه +
سمك مشوي بأي كميه
أو
5 معالق مكرونه + كبده
أو
نص رغيف + باذنجان مشوي
أو
طبق مشويات مشكل
العشاء
قطعه جبنه قريش + سلطه
هااااااام
1 _ ممكن نحط على المكرونه صلصه بدون دهون
2 _ ممكن نحط على الباذنجان صلصه بدون دهون ( زي المسقعه كده )
3 _ طبق المشويات عباره عن ( قطعتين بانيه + قطعتين كفته + بروكلى او اى خضار سوتيه )
معلومات مهمه
1_ الفطار لازم يكون قبل الساعه 10 الصبح
2_ شرب المياه مهم جدا على الاقل 4 اكواب في اليوم
3_ شرب الشاي الاخضر 5 مرات في اليوم بعد كل وجبه ( شاي ليبتون الاخضر وممكن بأي نكهه .. انا جبت تفاح و ليمون التفاح حلو لاكن الليمون مش حلو )
4_ المشي لمده ساعه كل يوم ان امكن او 3 مرات في الاسبوع ان امكن
5_ ممكن تستعملو سكر دايت بأي كميه عادي ( انا بستعمل نو كال و دا من افضل انواع السكر الدايت لو هتستعملو سكر عادي يبقا 2 معلقه في اليوم بس
6_ ممكن تشربو نسكافيه او قهوة و ممكن تضيفو لبن للنسكافيه بس طبعا منزوع الدسم
و ممكن تشربو اى حاجه دافيه بس طبعا بسكر دايت
انا الاسبوع دا مش هستعمل سكر دايت و الدكتورة سمحتلى ب 4 معالق صغيره في اليوم
لينك التمارين
https://www.youtube.com/watch?v=xRScb2l4Z4g
انا هعملو كل يوم ان شاء الله
و الرقص بيجيب نتيجه كويسه اوى ( مش بهزر والله )
ياريت الناس الي كانت قيلالى انها هتبدأ معايا تقولى ايه النتيجه و هما اشطر ولا اناااا
remo M remo M 792653_4.gif فتكات متميزة Fatakat 792653 ام الدنيا – مصر