بسم الله الرحمن الرحيم
قال تعالي " وما أوتيتم من العلم إلا قليلا " صدق الله العظيم
الناس اللي تعرفني هنا في المنتدي عارفين اني انا في كلية طب
وكنت بحاول علي قد معلوماتي افيد في اي سؤال طبي
واللي مش بعرفه كنت الحمد لله مش بفتي لان ده امانة
خصوصا اني لسة في سنة تالتة
بس الصراحة اسالتكم اوحتلي بالفكرة ده
فكره اييييه؟؟؟
دورة طبية !!!!!
ايوة
دورة هنعرف فيها الاساسيات البسيطة عن جسمنا
هنعرف فيها بردو بعض المصطلحات الطبية البسيطة
اللي ممكن تسهل عليكي قراءة مقال طبي عن طريق الانترنت
حابة علي الاقل كل فرد بعد مايخلص الدورة ده يكون قادر
يقرا ويفهم صورة دم كاملة
طيب اشمعني المنتدي ده
منتدي فتكاااااااااااات
ببساطة شديدة
عشان كله ستااااااااااااااااااات
عشان فيه ام تحت اديها زوج واولاد
عشان فيه بنت هتبقي مسئولة عن بيت
طيب هو احنا هنعرف فيها ايه؟؟؟
بصوا هو انا لسة بحضر في المحتوي بس مبدايا
هنتكلم علي الاتي:
-blood &its composition, types of anemia,
الدم ومكوناتهوانواع الانيميا
-metabolism&nutrition,obesity&factors assist in diet
الميتابولزم والتغذية والسمنة وعوامل مساعدة للرجيم
-the eye ,glaucoma,cataract,errors of refraction (myopia & hypermetropia )
العين ,المياه الزرقا,المياه البضاء,وعيوب الابصار(قصر وطول النظر)
-bile secretion & jaundice
العصارة الصفراوية والصفراء
واهم حاجة بقي ومهم ان الناس تعرف اساسياتها:
-hormones, male & female reproductive system
الهرمونات والجهاز التناسلي الذكري والاانثوي
وبما اننا هنا بنات بس ممكن نحذف الجهاز التناسلي الذكري
وده هيرجع لاراءكم
وبقول ان الجزء ده مهم
عشان مشاكر الهرمونات كتيرة وهنتكلم في الجزء ده
عن مرض العصر وهو السكر
وكمان لان كل سيدة متجوزة نفسها تبقي ام لما تعرف الاساسيات ده
هتفهم كورس العلاج اللي هي متبعاه
وهحاول اتكلم كمان عن الحمل واهم الادوية اللي ممكن نسمح بيها خلال الحمل
وعن بعض اضرابات الجهاز الهضمي
ان شاء الله
عايزة اعرف رايكوا في الموضوع
واللي حابة تتابع
تقول عشان ابعتلها رسالة بلنك الموضوع
لما اجي انزله ان شاء الله
dr_nomy dr_nomy فتكات هايلة Fatakat 436719 طنطا – مصر