السلام عليكم ورحمة الله وبركاته
طبعا كتير مننا بيحبوا المعجنات وكتير مننا يحبوا يعملو عيش سخن للعشا او مخبوزات بالجبنة للولاد فالمدرسة او بيتزا حلوة كده لابنك اللي ن فسه فيهاااا .
المهم اانا وانتو سوا هنعرف ازاي نعمل عجينة كويسة ومظبوطة وازاي لو باظت مننا نصلحها وازاي نشكلها ونحشيها ونخبزها وناكلها كمان
الدورة هتمر بمراحل
ا- اساسيات يجب مراعاتها لمخبوزات ناجحة
2 – العجينة البسيطة للمبتدئات
3:- عجينة العشر دقايق
4:- الفطير المشلتت وطرقه المختلفة
5:- تشكيل وتفانين العجين .
الدورة هيشترك فيها اللي عاوزه منكم تكون معايا برد هتكتبة انها معانا وانها هتنفذ معانا خطوة بخطوة وهتعمل الواجب وهتنزل لنا صور انتاجها
وهنتابع نتايج بعض ونقيم نفسنا لحد مانبقى محترفااااات مخبوزات .
وكل مرة هننفذ الدرس اللي هناخده باذن الله واللي مش هتنفذ لمرتين ورا بعض هنحذفها من المجموعة .
انا هبدأ اول درس بكرة ان شاء الله وقدامنا وقت نشوف مين معانا من هنا لبكرة زي دلوقت باذن الله تعالى
تحياتي
ان شاء الله الدروس هتنزل فنفس الموضوع علشان يسهل المتابعه يعني هنزل الدرس ضمن الموضوع نفسه مش كرد
ومش شرط نتجمع كلنا فنفس الوقت كل واحده تدخل فالوقت المناسب لها
الدرس الأول
اساسيات لعجينة 
ناجحة
أول مكون من مكونات العجينة ( أغلب انواع العجائن وليس كلها ) هو
الخميــــــرة
********
دي الخميرة البيرة اللي بتيجي من الأفران
ودي الخميرة الفورية ومنها انواع
عباره عن حبيبات صغيرة وهي اسرع في التخمير من الخميرة العادية لكن النوعين لهم نفس الخصائص ووظيفتهم رفع العجينه وطبعا ده غير الفائده الغذائية حيث انها بتحتوي على فيتامينات من المجموعة ب
طريقة استخدامها
النوعين نفس الطريقة :-
كمية الخميرة اللي هتستعمليها يتم وضعها في كوب وعليها ملعقة سكر وماء دافئ يعني يادوب اقل من ربع كوب ماء دافئ وقلبي كويس وغطي الكوباية لمده دقايق خمسة . هتلاقي الخميرة زدت في الكوباية وبقى شكلها كده
واستخدميها على طول كده بقت تمام
جو المكان اللي هنخبز فيه
********
ساعات تكون الخميرة تمام وكل حاجه تمام وتلاقي العجينة فشلت وطلع طعمها يعععع
ده ليه ؟؟
لان جو المكان كان بارد بالتالي العجينة ماخمرتش كويس ودي حلها ايه ؟؟
انك تولعي الفرن دقيقتين وتسيبي العجينة تخمر فيه بعد ماتطفيه طبعااا
العجيــــــــــنة
@@@@@بعد ماتعجنيها وعلشان تخمر تدهنيها زيت من فوق وتحت
الزيت ليه؟ علشان تفضل طرية والطبقة الخارجية ماتنشفش
وتغطيها بكيس ليه؟؟ عشان الكيس يحفظ حرارتها وتخمر فوقت معقول وفوق الكيس تغطيها بقماشة مثلا او بغطى حلة . وتسيبيها فالفرن الدافي زي مااتفقنا .
المده :- الفورية من نص ساعة لساعة حسب الجوهي وظروفها بقى حسب ماتلاقي الخميرة زادت .
علامات اختمار العجين :- هتلاقي العجينة حجمها اتضاعف ولو ضغطتي عليها هتنزل مع ضغطتك ومش هتطلع تاني . ولو ضربتي عليها بكفك هتمعي صوت كانه طبلة مثلا او صوت مفرغ من الهوا انما لو قبل الاختمار هتلاقي صوت واطي ومكتوم .
يتبع الدرس الاول لما اصحى علشان خلاص عوزة انام .واسااسا معاده كان بكره بس انا قلت اعملكووو سيربراايز . بوووسة لكل واحده من الفتكاات على ماجي .
دورة اتقان المعجنات
الدرس الثاني
هنا
45
مواضيع هذا القسم برعاية
كوكوتوتا كوكوتوتا فتكات رائعة Fatakat 397621 المنصورة – مصر