الموضوع ده بقى ممنوع لأصحاب القلوب الضعيفه
هههههههههههههه
أنا مابخليش الفرارجى ينظفلى اى طيور انا اللى بربى الطيور فى البيت وبنظفها بأيدى
وبصراحه هى حاجه مرهقه بس انا مابحبش تنظيفهم معظمهم معندهوش ضمير وبينظفوه فى ميه مش نظيفه علشان كده انا حبيت افيدكم واللى بيقرف بلاش يكمل الموضوع انا فلاحه ومتعوده على كده
المهم
ده الدكر فوق السطح
وده بعد الزبح الحلال طبعا مابخلصش الراس لأن وجودها بيخليه يطرد كل الدم اللى فيه فيبقى زبح نظيف زى الغنم والبقر لازم تفضل الراس فيه
وبعدين اسيبه لما يخلص خالص وبعدين انزله بقى المطبخ ويكون الميه فى حله كبيره بتغلى واول ما تغلى اوى انزه فى الميه واقلب اخليه جسمه كله يطوله ميه بتغلى علشان شيل الريش يكون سهل
وبعدين فى طبق بلاستيك كبير علشان البيت ما يتوسخش نحطه ونبتدى بقى نشيل الريش بأيدنا هيخرج بسهوله جدا
كده
وبعدين نشيل كل الريش من ورا وقدام كمان
ونلم كل الريش فى شنطه ونظف الطبق من الريش ونخلى الشنطه جنبنا علشان نحط فيها بقيت اللى هيطلع منه
وبعدين نشطفه من الريش ونقطع الرحس وارجلين وارقبه والجناحين بعد من نخليهم فله ومافيش فيهم ريش
وبعدين البط نفسه مانخليش فيه ريش خالص ونظفه بالميه
وبعدين نملى بقى الطبق ميه نظيفه
ونحطه فيها علشان نفتحه بقى وننظفه من جوه
وبعدها نفتحه بقى بالسكينه كده نفتح حته بس
وبعدين بقى نخرج كل اللى جواه بالرحه بايدنا علشان الكبده ما تتهريش والمراره ما تتفقعش ههههههههههههه
وننظف الحته دى مهم جدا
ونشيل الامعاء دى انا برميها وبفصل الكبده عن القوناصه ده مهم لان القوناصه فيها رمل وده غلط
المهم نشيل المراره دى ونرميها فى الشنطه ونخلى بالنا أحسن تبوظ الاكل
المراره اهيه
وبس نشيلها تبقى كده الكبده
والقوناصه نفتحها ونشيل الرمل والقرف اللى فيها بتبقى كده
مفروض نشيل بقى الطبقه الصفراء دى بالسكينه بس لازم نشيلها خالص تبقى بيضا كده
وبعدين كل ده بقى نرمى الميه دى ونجيب ميه نظيفه خالص وفيها كوباية خل وليمونه ونحطهم فيها
كده
وننقعهم بقى ساعه كده وبعدين نطبخه عادى
وفايدة الطريقه دى وفى البيت وعلى فكره البيت مش بيبوظ وبتبقى الطيره نظيفه فل ومفيش دم من جواها ولا بين اللحم خالص وكل واحد وطريقته فى الطبخ بقى ولو عايزه تحطيه فى الفريزر شليه بحجاته دى وفى الكيس الابيض وحطيه بس انا هقولكم عملته ازاى
المشاركه الجايه
مواضيع هذا القسم برعاية
ملكة بلاد العجائب ملكة بلاد العجائب 984637_5.gif فتكات رائعة Fatakat 984637 اوز – بلاد العجائب