طبعا انا قريت موضوع كتير جدا هنا عن نوع الجنين وغلط السونار فانا حبيت افدكم بتجربتى لعلها تنفع حد انا كنت لسه عروسه وزى اى عروسه اهل جوزك مفيش حاجه فى السكه من اول يوم وده خلانى اروح اكشف مش علشان الحمل لا علشان كنت بعانى من الالتهابات الشديده بعد الفرح الدكتورة ربنا يهديها ادتنى منشط من غير ما اعرف انه كان منشط ولا حتى قالى ده منشط المهم الالتهابات راحت واا افاا انى حامل طيب كويس الحمد لله نروح بقى نعمل سونار ها ولد ولا بنت لا ده ولد كويس اوى الحمد لله سونار تانى قبل الولادة لا دى بنت زى بعضه ميضرش الحمد لله برضوة ندخل بقى على الولاده قيصرى وماله قيصرى زى بعضه حضروا بقى الفساتين والحاجات المشخله للعروسه اللى هتوصل
والنتيجه تؤام ولدين اغمى عليه وهم لسه بيخيطوا لانه كان بنج نصفى وجوزى حكولى لما طلع ان لما عرف اقعد فى الارض من المفاجاءة
الخلاصه يا جماعه
"وَاللَّهُ خَلَقَكُم مِّن تُرَابٍ ثُمَّ مِن نُّطْفَةٍ ثُمَّ جَعَلَكُمْ أَزْوَاجًا ۚ وَمَا تَحْمِلُ مِنْ أُنثَىٰ وَلَا تَضَعُ إِلَّا بِعِلْمِهِ "
"ويعلم ما فى الارحام "
ادعولى بقى ربنا يقوينى على الحمل الجديد ويقدرنى على تربيتهم يارب
ام التؤمان 24 ام التؤمان 24 ممنوعة من المشاركة Fatakat 1126676 النور – دبى