السلام عليكم ورحمه الله وبركاته
يا بنات انا كنت عايزة اسال على دكتور او دكتورة نسا وتوليد كويسه فى شبرا الخيمه
المهم يبقى بيدى رقمه الخاص للمرضى لان فى حملى الاول كان بيحصلى حاجات كتير والحمد لله كنت متابعه مع دكتور كويس بس فى المهندسين فهو بعيد عنى فكنت عايزة حد قريب
انا اسمع عن د سميرة البسطويسى بس بصراحه مش عاجبانى اختى متابعه معاها وتعبت مرة بعد كشفها ب 4 ايام واتصلت كتير ويقولولها شويه وكلمينا وفى الاخر الممرضه سالتها عندك ايه وبعدين قالتلها اقفلى هكلم الدكتورة وكلمينى وبعد كده قالتلها روحى اكشفى باطنه وهى كان عندها كحه طب ما دكتورة النسا بيكتب اى علاج فى الحمل
اسمع عن دكتو محمد شاهين فى برج الاطباء بيقولوا كويس بس واحده صحبتى قالتلى انه فى العياده القديمه كان بيدخل 3 او 4 فى الكشف معرفش لسه مستمر على كده وللا لا وطبعا ما ينفعش لو بالوضع ده لان فين الخصوصيه
واعرف برضه د ثروت ناجح فى الوحده
فياريت يا بنات اللى يعرف دكتور كويس او حد جرب اى دكتور من دول فى الحمل وكان كويس يقوللى
وجزاكم الله خيرا
maro salah maro salah فتكات رائعة Fatakat 611414 القاهرة – مصر