طبعا باجى هنا كل لما احتاج افضفض او اخد دعوة حلوة فى ظهر الغيب من واحده لا اعرفها ولا تعرفنى وهى كل فتوكة هنا بتهتم وبتسيب ولو حتى دعوة صالحة ليا
انا متزوجة من سنتين وممكن اللى متابع مواضيعى يكون عارف انى فى السنتين دول تعبت جدااااااااااااااااااا فى كل حاجة
اولا بعد جوزى عنى لمدة كبيرة فى اول جوازنا ومرمطى بين الدكاترة علشان التكيس وهرمون اللبن ولما روحت لجوزى وقعدت معاه 4 شهور كانوا منشطات وتعب
ونزلت مصر تانى لظروف معينة قعدت فيها 3 شهور واستغليت وجودى فى مصر وروحت لدكتور عادل البيجاوى وعملت كل التحاليل المطلوبة على مدار 3 شهور وظبط لى الدنيا وقالى بالنص " وانتى فى المطار لو قعد جانبك راجل ممكن تحملى " يعنى باختصار خلانى متفاءلة لأبعد الحدود واخر شهر ادانى منشطات وحدد معايا سفرى لجوزى فى ايام التبويض
بس يا فرحة ما تمت
اخر يوم وهو بيكشف عليا قلت له على وجع بيجيلى فى اسفل ضهرى بعد الدورة مباشرة وكمان وجع رهيب ايام التبويض ووقت الجماع
طبعا ملامحه اتغيرت وقالى دى اعراض خطيرة بس هنشوف ال6 شهور الجايين مع المنشطات ايه اللى هيحصل
وقد كان
وسافرت لجوزى بعدما اخدت الحقنة التفجيرية يوم 12/7 وطلب منى جماع يوم 13/14/15 وطبعا الوجع خلانى ما كنتش باقدر اكمل مع زوجى بس باحاول بالعافية
ومن يومين لقيت دم بينزل فى البول ووجع جامد اوى فى المثانة ومش قادرة اعمل حمام روحنا على المستشفى وعملت تحليل بول فورى وكانت النتيجة صديد عالى ونسبة الدم فى البول اعلى من 100 والدكتورة طلبت اشعة تليفزيونية " الترا ساوند " وانا باعملها بقا الدكتور ربنا يبارك له قالى بالنص " المبيض الشمال مدمر " حجمه 9 سم والمفروض يكون 3 او 4 سم
قلت له ده ممكن يكون بطانة رحم مهاجرة ؟؟؟ لانى كنت قريت عنها وربطها بالاعراض اللى بتيجى لى
قالى احتمال كبير تكون هى
ولازم منظار فى اقرب وقت
طبعا فى السعودية المنظار غالى جدا جدا هيدخل فى 10000 تقريبا واتصلت بدكتور عادل قالى انه احتمال يكون كيس مش هجرة بطانة رحم وحدد معايا المنظار يوم الاتنين القادم
وطبعا انا لسه جايه لجوزى يوم الجمعة اللى فاتت يعنى ما بقاليش اسبوع وحجزت ونازلة بكرة اعمل المنظار
جوزى صعبان عليا اوى من المصاريف والاعباء اللى هتبقى عليه وكمان من انى هاسيبه لواحده فى رمضان
ادعولى تعبى يكون بفايدة وافرح قلبه وقلب امى وادعولى يكون اللى عندى حاجة بسيطة وربنا يقف جانبى
واللى تعرف حاجة عن كيس المبيض او هجرة بطانة الرحم تبشرنى وتقولى انه بيحصل معاهم حمل
يا رب انت العالم بحالى يا رب
همسات الشرق همسات الشرق 372118_1.gif فتكات رائعة Fatakat 372118 قلب جوزى – قلب جوزى