السلام عليكم
انا بجد احترت والله ومش عارفة اعمل اية انا عندى بنوتة اول نونة عندى هى عندها
دلوقتى 3سنين الكل قالى لازم تروح الحضانة وفعلا كانت مبسوطة جدا وبتحلم باليوم اللى تروح فيه الحضانة ولكن حصل مالا يحمد عقباه المعلمة صممت تاخدها من اول يوم بالعافية وفضلت تعيط اكتر من ساعة وهى حبساها فى الفصل وروحت قولتلها لية كدة حرام دى اول مرة لسة قالتلى هو كدة الصح المهم من ساعتها وهى على صرخة واحدة حضانة لالا لا واوعى تسيبينى ياماما المهم رحت حضانة تانية حلوة جدا والمدرسين كويسين بس هى مش راضية انا مش عارفة هى اتعقدت ولا اية ومش عارفة اعمل معاها اية انا محتاجة خبراتكم معايا
على فكرة المعلمة الجديدة بتقولى متخافيش سبيها شوية وهى هتسكت انا مطمانة معاهم لكن بسبها وارجع القيها لسة بتعيطبالله عليكم اعمل اية اجمد قلبى واسيبها فى الحضانة وهى كدة هتتعود ده راى والتانى تقعد معايا والسنة الجاية تدخل الكى جى علطول ولا اعمل اية وامتى ابدء اعلمها دلوقتى ولا لا
مريومة&محمد مريومة&محمد 265276_3.gif فتكات حبوبة Fatakat 265276 مصر الجديدة – مصر
سبحان الله و بحمده