السلام عليكم
مساء الفل عليكوا
حصلى موقف النهارده ف قولت اجى احذركم و اهو بالمرة تاخدوا بالكم كده
الموضوع طويل شوية بس صدقووووونى هيفيييييدكوا يا بنات عشان الناس اللى بقت بتبيع ضميرها عشان شوية فكة
حسبنا الله ونعم الوكيل بجد
هتقولولى ايـــــــــــه اللـــى حصـــل ؟؟
حاضر حاضر هحكى اهو
بصى ياستى
انا بقالى فترة طووويلة بستخدم اولويز بس من اسبوع كده قرأت فى فتكات كذا موضوع بنات بتقول بلااااش اولويز و كده و شكروا اوووى فى برافيت و نانا
انا استخدمت نانا مرة و بصراحة مش استريحتلها خالص مش بتلزق كويس و كمان بتسرب و كده
ف قولت النهارده انزل اجيب برايفت
لفيـــــت كتيــــــر انى الاقيها … مستحيــــــــل
كل ما ادخل صيدلية اقوله لو سمحت عاوزه برايفت .. يقولى ايه ؟؟؟؟؟
و واحد قالى ااااااااااه مش دى فيتامينات
المهم بعد ساعة تقريبا كانت الصيدلية التامنه اللى ادخلها .. و اخيـــــــرا لقيت
من سرعتى انى اتأخرت و كمان نسيت الموبايل ف البيت و قولت اكيد ماما و خطيبى قالبين الدنيا عليا
اخدت الحاجة و حاسبت و جرررررررى ع البيت
جيت اغير هدومى قولت اما اششوف كده برايفت عامله ازاى من جوا
ابص ف العلب اللى اشتريتا الاقيها غير صالحة للاستخدام الآدمى بجد دى اقل كلمة تتقال ف اللى شوفته
العلب مفتوحة كده من فوق و طالع عينها و الغلاف من برا باهت من كتر الشمس اللى خابطة فيه ليل نهار ده غير التراب اللى عليها من برا
انا متعودة لما اشترى آآآآآى حاجة اشوف تاريخ الصلاحية ماما معوزانى من صغرى على كده
قولت اما اشوف تاريخ الصلاحية … و كــــــانت المفــاجــــأة
انا كنت شارية 4 علب .. لقيت علبتين انتاج شهر 7/2017
و علبتين انتاج شهر 2/2017
والله العظيم انا تنحت .. انا قولت اكيد التاريخ ده غلط على ما اعتقد برايفت مش مصنوعة من زماااان اوى كده انا مفكراها شركة لسه طالعة جديد
لبست جررررررى و نزلت روحت الصيدلية طبعا رمتله الكيس ف وشة قولتله لو سمحت انا لسه واخده الحاجات دى من تلت ساعة و عاوزه ارجعها
قاللى ليه يا فندم خييير .. قولتله افتحا و انت تشوف
الراجل بص كده وشه جاب الوان و بالصدفه سبحــــان الله مدير الصيدلية كان جه من بره وواقف جنبه وسمعنى وانا بكلمة
قاللى خير قولتله انا لسه شاريه دول من تلت ساعة و روحت لقيتهم بالمنظر ده المدير بصله قالله انت اللى مطلع الحاجات دى و بايعها بالمنظر ده؟؟ قاله أه ..
المدير قاله نتحاسب اخر اليوم
قاله 4*6 ب 24 اديها ال24 جنية بتوعها .. قام الراجل قاله لا مانا كنت بايعهوملها ب 15 بس
انا طبعا تنحت و الراجل وشه جاب الوان و اخدت فلوسى و سبتهم بيتخانقوا
المشكلة ان نفس الراجل ده مع انه صيدلى مش خريج اى كلية تانية و بيشتغل كده و خلاص .. لا ده صيدلى اصله جارنا .. قبل رمضان باسبوع كنت بصرف روشته لماما و الدكتور محذرنا قالنا تجيبوا الدوا اللى ف الروشتة ده و اياااااااااااكوا تجيبوا اى بديل ليه عشان والدتك عندها الضغط و ده انسب دوا ليها
المهم جبنا الدوا بعدها ب 4 ايام ماما تعبت جداااااا ووديناها للدكتور و اخدنا الدوا معانا
قالنا ايه ده انا مش كاتب الدوا ده انا حذرتكوا تجيبوا اى بديل
قولتله انا قايله للصيدلى اياااااك تجيبلى اى بديل و قالى ده يا فندم اللى مكتوب ف الروشته قولتله يعنى مفيش بديل قاللى لا مفيش
يا بنات خدو باااالكوا من تواريخ الانتاج انا كذا مرة الاحظ الحوارات دى
خصوصا الفوط الصحية الحاجات دى مفيهاش هزااار
الله اعلم لو مكنتش اخدت بالى كان ايه ممكن يحصل
معلش طولت عليكوا . مع انى تعبانة جدا والله بس قولت اجى جررررى افيدكوا و احذركوا
و كل سنة وانتوا طيبين
mmhh_aoaa mmhh_aoaa 563763_6.gif فتكات رائعة Fatakat 563763 بيتنا ^_^ – مصر