السلام عليكم ورحمة الله وبركاته
اولا انا عاهدت الله انى اكتب قصتى بالتفصيل لانى زيى زى اى واحدة بالموقف ده كنت بدور اوى على اى حاجة تطمنى او اتعلق فيها بااى امل
انا مريت بكل حاجة من انعدام الحيوانات المنوية – ورم بالرحم – اكياس دهنية بالرحم – بطانة مهاجرة – ضعف تبوىض – ضعف اجنة
بس بالاول احب اقول جملة بجد والله صح
تبسم
فإن .. الله
ما أشقاك إلا ليسعدك
وما أخذ منك إلا ليعطيك
وما أبكاك إلا ليضحكك
وما حرمك إلا ليتفضل عليك
وما ابتلاك .. إلا لأنه
" يحبك "
نبدا بسم الله الرحمن الرحيم
اولا احنا اكتشفنا الحالة بدرى الحمد لله
اول ما اتجوزت اول شهر اتاخرت الدورة 3 اسابيع طبعا افتكرته حمل بس اختبارات الحمل كانت نيجاتيف رحت للدكتور واكتشفنا وجود كيس يسمى ديرمويد او الكيس الجنينى وهو نوع من انواع اورام الرحم
وكان لازم اجراءعملية لازالته بس الدكتور قال انه ممكن يحصل حمل مع وجوده وعند الولادة نشيله خاصة انه مش ماثر على الرحم وكانت دورتى منتظمة ورحت لاكتر من دكتور كلهم قالوا نفس الكلام وبالعكس الكيس كان حجمة ثابت
بس لمدة 3 شهور محصلش حمل وكنت كل شهر احس باعراض الحمل بس الدورة بتيجى وقررت ابدا التنشيط لانى كنت مستعجلة اوى على الحمل
للمعلومة ولا دكتور طلب تحليل لزوجى عشان كنت متزوجة من قريب اوى وكل انشغالهم كان بالورم
وبالصدفة جدا قرر زوجى يحلل من نفسه واتفاجئنا بان مفيش حيوانات منوية وطبعا محدش فينا فهم ازاى ممكن ده يحصل او معناه ايه قلنا اكيد التحليل غلط
وعدنا التحليل وتاكدنا منها وانها صح
الاول الدكتور اداه فيتامينات وطبعا مجبتش نتيجة
وبدانا نقرا وعرفنا موضوع المنشطات
واتجه زوجى لمستشفى دكتور كمال شعير وقرر الدكتور ان زوجى ياخد منشطات لمده 6 شهور بعدها نعمل عملية العينة من الخصية
بس مستريحناش وحسينا انها عملية تجارية هناك وبالصدفة دكتور دل زوجى على دكتور مدحت عامر بمستشفى ادم الدولى طبعا شاف التحاليل وكان الاف اس اتش مرتفع وطلب د مدحت اننا نعيد التحليل عنده بالمستشفى بس للاسف كانت نفس النتيجة وقررنا نعمل عملية عينة من الخصية ولو ملقناش فيها حيوانات منوية ناخد منشطات لمدة 6 شهور وبعدها نعيد العملية
وعملنا عملية العينة من الخصية وانتظرنا النتيجة لمدة طويلة ومطلعتش وكان الممرض بيتهرب من سؤال جوزى عن النتيجة وحسينا انه ملقوش بالخصية حيوانات منوية وحمدنا ربنا والله بس كرم ربنا كان كبير بعد شوية دخل الممرض تانى وقال لزوجى مبروك الحمد لله لاقينا حيوانات منوية ولقوا عدد محدود يكفى للحقن المجهرى
اللهم لك الحمد كما أنت أهله ووليه.
و كما ينبغي لجلال وجهك و عظيم سلطانك.
وانتهى دور زوجى وبدا دورى
لمحة عطر لمحة عطر 713679_3.gif فتكات حبوبة Fatakat 713679 القاهرة – مصر