السلام عليكم ورحمه الله وبركاته
انهارده هعرض عليكو تجربتي في خساره 23كيلو من وزني ولسه مكمله فضلي حوالي 7 كيلو وجيت اتشجع علشان جسمي بيعند معايا
بدايتا هو نظام الدكتور سعيد الراعي جزاه الله عنا كل الخير انا استفدت كتيييير منه وجايه انهارده افدكم بالي استفدت بيه هناك ال يحب يشترك في الموقع بتاعه علي الفيس بوك يكتب مصر خست ويعمل لايك ويتابع والي معندهمش فيس انا من هنا هنقل كل حاجه وبتجربتي وهفيدكم باءذن الله
اولا احنا بنعمل رجيم اللقيمات مع تعديل بسيط من الدكتور وهي الايام الخاطفه
حد يسئلني ايه فايده الايام الخاطفه هقوله انها بتكسر ثبات الوزن بطريقه جامده جدا
وهي عباره عن
4 ايام عاديه ويوم خاطف وبعدين 4 ايام عاديه 2يوم خاطف واربعه عاديه و3ايام خاطف وابعه عاديه و4خاطف
1اول يوم خاطف وهو عباره عن شوفان وليه طرق كتييييييييير وهنزلها ان شاء الله كلها وممكن تستبدلي الشوفان ببليله او كورن فليكس هنزل طرقه في المشاركه الجايه
2ثاني يوم خاطف فاكهه وبيبقي غالبا نوعين فاكه بس وللي يقدر يخليه واحد بس يبقي النتيجه افضل وليكي 6 اطباق علي مدار اليوم
3ثالث يوم وهو يوم الخضار وممك تعملي فيه خضار سوتيه او تاكلي كل انواع الخضار ليكي 6 اطباق متوسطه الحجم علي مدار اليوم
4رابع يوم ال هو يوم الالبان (3لتر لبن قليل الدسم او كامل الدسم او 10 كوب زبادي كامل او خالي الدسم او 8قطع جبن قريش او 2لتر لبن و15 تمره او 2لتر لبن مع 4اكواب ايس كريم او 8كوب زبادي و4كوب ايس كريم )
وممكن تستبدلي اي يوم من الايام ديه بيوم بروتين (فرخه مشويه او مسلوقه او نصف كيلو لحم مسلوق اوم مشوي او سمك او من 3 الي اربع علب تونه او 8 بيضات علي مدار اليوم )
الايام العاديه طبعا بتاكلي فيها زي ما تحبي بس بكميات قليله
بيبقي ليكي 9 وجبات 2 وجبه و7 سناك
امثله للسناك الصحي
خضار (خس خيار جزر طماطم )او طبق فيه 3 معالق سوتيه او (برتقان سفندي تفاح كمثري جوافه فراوله قطعه مانجه كام حبايه عنب )
الوجبات العاديه طبعا فطار يفضل يبقي بدري عباره عن نصف رغيف سن وخياره واي شئ بس باقل القليل
والغداء عباره عن 5معالق او نصف رغيف سن مع اي شئ في البيت اهم حاجه الكميه مش النوع
وممنساش كل اقل خس اسرع
ولازم ناكل كل ساعتين ل 3ساعات
ونشرب شاي اخضر 4 مرات يوميا
وقبل النوم بساعتين ناخد زبادي عليه نصف ليمونه بتعلي الحرق جامد
وممنساش الرياضه دقيقه واحده احسن من مفيش
انا تعبت جدا في كتابه الموضوع ياريت التقيم وال تحب تشترك تكتب اسمها ووزنها وطولها وهدفها وان شاء الله نوصل للي بنحلم بيه واي سؤال انا معاكم وفي خدمتكم لحين الوصول للهدف
مدام روان مدام روان images/bigsmilies/mood12.gif سوبر فتكات Fatakat 340553 في قلب جوزي حبيبي – مع جوزي وابني