سلام عليكم ورحمة الله وبركاته
ربنا يشفى ولادنا جميعا يارب ويطمن كل ام على ابنائها ولايريها فيهم مكروه ابدا
انا عايزة اعرف منكم سواء امهات عندها حالة سمات توحد او خبيرات بالتخصص
انا هقول كل تصرفات البنوتة وهستنى تعليقكم عليها
السن:سنتين واربع شهور
1_الكلمات قليلة لكن بتقول وبتوظف الكلمات فى مكانها
بتستسهل الاشارة او تشد ماما تجيب اللى هى عايزاه
لما تسيبها وتطنشها تعيط وتنطق الاسم مثلا(ميه)
بتقول ماما بابا اسماء اللى فى البيت معاهم بس مش بإستمرار
ممكن تقول جزء من اغنيه لطيور الجنة طبعا
هى طبعا كانت متعلقة بيها جداااااااا وبالموبايلات
بس احنا قفلنها وشيلنا الموبايلات تماما والحمد لله نسيتهم عادى
2-زكية الحمد لله وذاكرتها حلوة
3-مش مرتبطة بأكلة معينة ولابشخص معين بس بتحب تشرب لبن عادى لما تصحى وقبل ماتنام اتعودت عليه
4-بقالها فترة بعد ماجيبنا المكعبات بتركبهم وبتغير فى اشكالهم ولما شافت شرايط كاسيت رصيتهم ولما شافت مشابك غسيل برضو رصيتهم بشكل جمييل ومنظم
ركبت بازل كمان بسهولة
5-المشكلة انها مش بترد علينا ولابتبصلنا احيانا كتيرة وقليل اه بتبص لو فى حاجة تجذبها
6-بتنفذ الطلبات لما تبقى رايقة وبتفهمنا كويس ولما تغلط بتكون عارفة انه غلط
7_بتقلد ادق التفاصيل اللى مامتها بتعملها بعد مابتكون خزنتها فى ذاكرتها لكن مش فى لحظتها
المشكلة
قلة تواصلها معانا بعينيها
عدم تفاعها واندماجها مع الاطفال
قلة الكلمات
مستنية ردودكم علشان بجد احتارنا لإننا وديناها مركز والاخصائية عملت اختبار وقالت ان درجتها فى كويسة جدا بل هى زكية كمان وسابقة سنها كمان ووقالت هى بس محتاجة تعديل سلوك وتخاطب علشان موضوع التواصل بالعينين
رضوى الخير رضوى الخير فتكات متميزة Fatakat 440457 أليكس – مصر
سبحان الله و بحمده