بصو بقى ياقمرات انا ان شاء الله هولد في اخر شهر 3 الجاي
وهكون ام لاول مره وهجيب بنوته ان شاء الله
وزي ما الموضوع بتاعي باين من عنوانه
انه خلاص هانت ياقمرات وبدء العد التنازلي
فعلشان كده انا فكرت اعمل الموضوع ده
علشان نفكر بعض بالحاجات اللي ممكن واحدة فينا تنساها
اولا عايزه اعرف شعورك وخلاص الوقت بيعدي وانتي عارفه انه كلها شهر شهرين بالكتير ان شاء الله وهتبقي ماما ( احلى كلمة في الدنيا يارب ما تحرم حد منها يااااارب ) وهتشوفي ابنك او بنتك
انا عن نفسي بقعد اسرح كتييير في الموضوع ده احيانا بكون خايفة اوووي من وقت الولادة وخصوصا انها اول مرة ليا – واحيانا بفضل مبتسمة ومسبهلة زي العبيطة لما بفكر اني هشوف بنتي اللي هي جزء مني بين ايديا وفي حضني ياااااه مش متخيله الموقف ده ومستنياه بفارغ الصبر ( يارب متحرمش اي انثي من الشعور بالاحساس ده يااااارب )
وصحيح بالنسبة لاسماء البنات انا محتارة ما بين ( مليكة – رقية – خديجة ) ايه رائيكم
المهم نرجع لمرجوعنا ههههه حلوة مرجوعنا دي عجبتني
اللي هو يلا نفكر بعض بالحاجات اللي ممكن واحدة فينا تنساها
انا عن نفسي اشتريت لبس البيبي كله تقريبا وده طبعا بعد تعب ولف ووالله الموضوع ده طلع صعب اوي مع اني في البداية كنت متصورة ان يوم يومين بالكتير هيكفوا بس للاسف طلع عكس كده خالص – وبالنسبة للمعلومة اللي كتير سمعت وقريت عنها ان السيدة زينب فيها لبس حلو فهي غير صحيحة خالص هو فعلا فيها لبس كتير بس للاسف اللبس مستواه مش اد كده يعني اللي هو يادوب ممكن الواحد يفكر يلبسه في البيت
وبالنسبة للحاجات اللي لسه مش اشترتها واللي فكراها دلوقت
مستحضرات جونسون للعناية بالاطفال ( شامبو – شاور جل – بادى لوشن – بيبى اويل – البودره – الوايبس ) – سبرتو ابيض سبراي للسرة – قطن – 2 ببرونة – بانيو للاطفال – حفاضات حديثي الولادة ( لغاية دلوقت لسه مش استقريت على نوع معين ياترى ايه رائيكم ) – فرشة للشعر ومش عارفه بصراحة بنستخدمها ولا لا – حلق طبي
بس ده اللي انا فكراه وياريت اشوف تفاعلكوا معايا علشان نكمل بعض ياقمرات
ويااااارب كلنا نقوم بالسلامة
انا مستنيا ردودكم … وطبعا شكرا مقدما … وجزاكم الله كل خير
وياريت تدعولي بتيسير الاحوال … وان ربنا يتمم حملي على خير … وانه يرزقني ساعه سهله من عنده
قطقوطة مقطقطة قطقوطة مقطقطة 347201_4.gif سوبر فتكات Fatakat 347201 Cairo – Egypt