ازيكم يا احلى بنات ……. النهاردة بالصدفة كنت مع صاحبتى و حكيتلها تانى عن الموضوع بتاعى بتاع العطس الكتير ….وقعدت اعطس كتير وانا معاها …صممت نروح لدكتور هى تعرفه كويس وقريبها من بعيد …المهم روحنا ….حكيت للدكتور كل حاجة بالتفصيل …وانى بعطس كتير جدا …وكل ما الوقت يعدى عليا اعطس اكتر و اقوى ….قعد يتكلم عن موضوع الحساسية و جيوب الانفية و كدا …وفاجاة بدأت اعطس وانا قاعدة هناك ….لقيته بيقولى انا عرفت نوع الغشاء المخاطى عندك من طريقة عطستك ….استغربت جدا من كلامه ..وبيقول ان الغشاء المخاطى دا انواع وان على حسب النوع بتبقى طريقة الانسان ف العطس …..انا تنحت لقيته بيقولى والله العظيم هو كدا ….وان لكل غشاء مخاطى للانف طريقة تعامل …عشان كدا كل مريض حساسية انف مابيستجيبش للعلاج زى التانى …حسب نوع الغشاء المخاطى …..وقالى ان انا لازم اتابع معاه كتير وان الموضوع هياخد وقت وانه مش مجرد علاج حساسية وخلاص ودى الطريقة اللى المفروض يعملها كل دكتور..معقولة طريقة العطس بتفرق زى ما الراجل دا بيقول …انا حاسة انه بيهزر …على كدا انا الغشاء عندى قوى اوى ههههههههههه . لان انا بعطس بقلب هههههه…أسمع كلامه و اروحله تانى ولا ايه دا ؟؟؟؟؟؟؟؟؟
مصرية وبحب مصر جدا مصرية وبحب مصر جدا ممنوعة من المشاركة Fatakat 690911 الرياض – السعودية
سبحان الله و بحمده