فتوكاتى قمراتى ازيكو يا رب تكونو كلكو بخير
طبعا زى ما استفدت منكو في حاجات كتيييييييييييييييييييير قررت اعمل موضوع افيد بيه غيري زى منا استفدت منكو بس نفسي الى يعجبها الموضوع تطلع فوق بالماوس وتصوتلى تصويت عسول وجميل كده زيها عشان نفسي اعمل موضوع ويتثبت بالله عليكو
في احدى جولاتى المكوكية لشراء الجهاز هجمت انا وصاحبتى على فرع شركة العامرية للغزل والنسيج
ودى ليها فروع كتيييير بس احنا روحنا فرع الشركة اللى في اسكندرية عندنا
طبعا خامات العامرية لا يعلى عليها وكل الناس بيشكرو فيها
جبنا فوط حلوة جدااااااااااااااااا انا جبت 6 وهي 6
وهوريكو منهم 2 شوفو كده وقولو بكام
اخترت التركواز لونى المفضل
والتانية اهي لونها لذيذ اوووووووووووووى ومطرقع
(متنسوش التقييم)
تخيلو بقي الواحده من دول ب 10.57
يعنى مكملتش 11 جنية وطبعا قطن 100%
وجابت كمان فوط سفرة في علبه كده قطن طبعا برضو وشيك خااااااااالص ب 15 جنية
وعندهم منه :احمر وابيض وزيتونى و اصفر و هافان بس مصورتهمش نسيت (متنسوش التقييم بالله عليكو)
بس هما شكلهم رقيق مووووت وعليهم ورد بالخيط نفس اللون ونفس الدرجة ويمشو مودرن او ستيل
ونا كنت هجيب منهم بس نسيت لون مفرشي (شفتو الوكسه هههههههههه)
وعندهم لحافات او لحفه او الحفه (معرفش جمع لحاف ايه ) المهم عندهم مفاسه 220 *170 ب 124 بس اشكاله تقليديه مش ترتر وكده ولا تطريز يعنى بس طبعا خامته تحفه جدااااااااااااا
وصورتلكو بقي لسته الاسعار بتاعتهم
الاولي للملايات اهي :
وملاياتهم حلوين جدا وقطن طبيعي 100% ده غير عندهم موديلات تحفه داخلها خطوط ستان ومعاها cover للحاف وشكلهم واااااار وعجبنى الموف واللبنى عشان فيه كنار ابيض حلو اوى
واشتريت 6 اطقم ملايات ساده و5 مشجر و 2 cover مرتبه و3 cover لحاف (متنسوش التقييم بليييييييييز)
واللستة الثانية فوط اهي (عشان ابقي محرمتكوش من حاجة )
وصدمتنا الكبري بقي اننا لقينا عندهم قسم للتنجيد الخالص
يعنى مش لسه هتجيبي قطن وتنجدى انتى وكده لالالالالالالالالالالالالا
هما عندهم تنجيد خالص من اول المخدات والترابيع للمراتب واللحافات
وسالته قالى ده احسن انواع القطن احنا شركة مش منجد هنضحك عالعميل احنا لينا قطن مخصوص بنعمل بيه انضف حاجه فى السوق
ودي لسته الاسعار بتاعتهم
ودى الكيسه الى اشتريت فيها ههههههههههههههههههههههههه
حتى دى صورتها
واخر صورة بقي لفروع الشركة في الاسكندرية والقاهرة عشان تروحو وتستفيدو (متنسوش التقييم)
انا بقي كده خلصت ويا رب اكون فيدنكم باي حاجة
ومستنية ردودكو عليا والتقييم الى هيحسسنى انى بجد عملت حاجة بعد تعبي في الصور وتصغيرها ورفعها
ويا رب يسعدكو ويسعدنى ويكرمنا ونتجوز بسرعة واللى مش مخطوبة تتخطب وتتجوز ونفرح كلنا قولو امييييييييين
وادعولى ربنا يكرمنى انا واحمد خطيبي
سلالالالالالالالالالالام ومتنسوش التقييم احسن اربطكو في التحرير واكتب على ضهركو فلول
ميما بنت اليكس ميما بنت اليكس 614580_1.gif فتكات هايلة Fatakat 614580 اسكندرية – مصر