السلام عليكم ورحمة الله وبركـاته
(ردى السلام يافتوكه) ربنا يجازيكى خير …
انهارده هاوريكوا طريقة تبطين الصنيه بورق الزبده فى أقل من دقيقه ان شاءالله
أكيد طبعا فى فتوكات شاطرين يعرفوها .. وفى فتوكات شاطرين بردوا ميعرفوهاش ..
طبعا فى طرق كتير لتبطين الصنيه بورق الزبده بس انا لقيت ان دى أسهلهم وأجملهم وأظبتهم وأسرعهم
الصور هاتوضح بساطة الطريقه .. ان شاءالله
بسم الله .. أولا نجيب ورقة الزبده نفردها كده قدامنا
وبعدين نجيب الطرف اللى فوق عاليمين نشده لتحت بحيث يبقى مستقيم مع الورقه بشكل مثلث كده
وبالمقص نقص المثلث ده نفصله عن باقى الورقه كده
والمثلث الكبير ده نطبقه على بعضه عشان يبقى مثلث اصغر كده
وتتوالى العمليه .. مثلث على مثلث
ونيجى نضع الطرف فى وسط الصنيه بالظبط .. (ممكن كمان تقلبى الصنيه على ظهرها هايكون أسهلك) ونقيس من الوسط لحد طرف الصنيه ونقص الباقى
ونفردها فى الصنيه هاتبقى كده .. ولاسحر ولاشعوذه
لما قصينا المثلث فى الأول اتبقى دى فاكرين؟
هانيجى نتنيها على بعض ونقصها من النص كده
بسسسسس ندهن الصنيه زيت ونلزق الكبيره فى القاعده واللى اتبقى فى الجناب ..
ولو صنيه كبيره زى دى هاتحتاجى كمان ورقه فى الجناب زى اللى فوق ..
وده انا بجيب ورقة زبده سليمه واقيس عليها الورقه المستطيله اللى اتبقت دى وابتدى اتنيها كلها زى المروحه كده وابتدى اقص واحده واحده وبكده .. ابقى عملت ورق الجناب كتير عندى عشان لو احتجت فى ظرف زى ده ..
يارب اكون بعرف اشرح وعرفت اوصلكوا المعلومه ..
بس ونصب الكيك فى الصنيه
وورق الزبده بجد يافتوكات بيديها طراوه وبيحافظ عليها ماشاء الله بالنسبه للكيك الاسفنجى طبعا .. وكمان الصنيه بتبقى نضيييييييييييفه وزى الفل بتريح لو هاتعملى كذا كيكه ورا بعض ..
بتطلع جميله ماشاء الله
اتفضلوا يافتوكات 
لو عجبكوا الموضوع ادعوولى بالذريه الصالحه انا وكل مشتاااق ..
والتقييييم على حسب زوقكوا 
بحبكم فى الله
مواضيع هذا القسم برعاية
زوجى نورعنيا زوجى نورعنيا 682632_23.gif فتكات هايلة Fatakat 682632 المنصوره – مصر